17 тамызда сайлауалды науқан аясында партиялар өңірлердегі және қоғамдық кеңістіктегі белсенділігін жалғастырды. Негізгі назар жұмыс орындары, отандық өндіріс пен бизнесті қолдау, экология, баспана, денсаулық сақтау және инфрақұрылым мәселелеріне аударылды.
«Әділет» партиясы креативті индустриялар, отандық өндірушілерді қолдау, мемлекеттік сатып алуға қазақстандық компаниялардың қатысуы және түлектерді жұмыспен қамту мәселелерін көтерді. Астанада сарапшыларға азаматтардың өтініштері мен зерттеулер негізінде әзірленген «111+ шешім» құжаты таныстырылды.
ЖСДП Бурабайда кандидаттар мен белсенділердің тұрғындармен кездесуін қамтыған үгіт-насихат флешмобын өткізді.
«Байтақ» экология мәселелеріне басымдық беріп, «Көлсай көлдері» ұлттық паркіндегі биоалуантүрлілік, экотуризм және табиғи аумақтарды қорғау мәселелерін талқылады. Бірқатар өңірде еңбек ұжымдары және тұрғындармен кездесулер өткізіліп, қалдықтарды өңдеу, денсаулық сақтау, санитарлық қауіпсіздік және қоршаған орта мәселелері көтерілді.
ҚХП еңбек құқықтары, еңбек жағдайлары, жұмыспен қамту, цифрлық инфрақұрылым, баспана және әйелдердің өкілдігі мен еңбекақысы тақырыптарына назар аударды.
«Ауыл» партиясы өндіріс, теміржол логистикасы, инфрақұрылым, кадр даярлау және еңбек жағдайларын талқылады. Атырауда «Таза Қазақстан» акциясына қатысып, Жайық жағалауын тазартты.
«Ақ жол» отандық өндірісті дамыту, бизнесті қаржыландыру, несие мен ипотеканың қолжетімділігі мәселелерін көтерді. Кәсіпкерлермен кездесулерде отандық өнімді қолдау және қарыздарға қолжетімділік талқыланды.
Respublica азық-түлік қауіпсіздігі, ауыл шаруашылығы машина жасау, жеңілдетілген лизинг, цифрландыру және отандық тауар өндірушілерді қолдауға басымдық берді.
Осылайша, сайлауға санаулы күн қалғанда партиялар еңбек ұжымдарымен, кәсіпкерлермен және өңір тұрғындарымен кездесулерін күшейтіп, өздерінің бағдарламалық басымдықтарын таныстыруды жалғастырды.
