Тамақтан уланудың алдын алу

Тамақтан уланудың алдын алу үшін тамақтанар алдында қолды жуу керек. Көгеріп кеткен, қышқыл иісі бар күдікті өнімдерді, герметикалығы бұзылған консервіленген өнімдерді және қақпағы ісінген консервілерді пайдалануға болмайды. Көкөністер, жемістер мен жидектерді қолданар алдында жақсылап шайыңыз. Пісіру алдында жұмыртқаларды сабынды-сода ерітіндісінде өңдеп, ағынды сумен шайыңыз. Шикі етті турағаннан кейін пышақтарды, кесу тақтасын мұқият жуыңыз, санитарлық гигиенаның басқа ережелерін сақтаңыз.
Сондай-ақ, сауда желісінен тамақ өнімдерін сатып алғанда, өнімнің дайындалған күніне және сатудың соңғы мерзіміне, сыртқы түріне, түсіне, иісіне, консистенциясына, қаптаманың тұтастығына, өнімнің қандай жағдайда сақталатынына (тез бұзылатын өнімдер белгілі бір температуралық сақтау режимдерін талап етеді) назар аударыңыз. Сақтау шарттары сақталмаған стихиялық сауда орындарында азық-түлік сатып алуға болмайды.
Егер адам тамақтан уланған болса, уланудың алғашқы және жиі кездесетін көріністері әлсіздік, жүрек айну, құсу, іштің ауыруы, диарея, суық тер, терінің бозаруы, дене температурасының жоғарылауы болған жағдайда дәрігерге қоңырау шалу керек. Жедел жәрдем келгенге дейін алғашқы көмек көрсетуге тырысу керек, яғни ағзадан у қоздырғыштары мен қалған өнімдерді жедел шығару. 3-4 стакан жылы қайнаған су ішіп, құсу рефлексін қоздырып, асқазан тазарғанша бірнеше рет қайталаңыз.
Тамақтан уланудың профилактикасы:
Қауіпсіз тамақ өнімдерін таңдаңыз.
Тамақты дайындау технологиясын сақтаңыз.
Пісірілген тамақты бірден пайдаланыңыз.
Азық-түліктерді мұқият сақтаңыз.
Алдын ала дайындалған тамақты мұқият қыздыру керек.
Шикі және піскен тамақ өнімдерін қатар сақтамаңыз.
Қолыңызды жиі жуып тұрыңыз.
Ас үйді таза ұстаңыз.
Таза суды пайдаланыңыз.
10.Тамақты жәндіктер мен кеміргіштерден аулақ сақтаңыз.
Ас ішу арқылы өзімізге керекті витамин, белок секілді органикалық заттарды тұтынамыз. Бірақ тағамдарымызды пайдаланбас бұрын оның сапасына, құрамына, пайдалану мерзіміне қараған жөн.
Нышанов Нұрбек Садықбекұлы
ҚР ДСМ СЭБК Түркістан облысының санитариялық-эпидемиологиялық бақылау департаменті басшысы