АҚШ-тың Калифорния штатында ер адам коронавирусқа қарсы екпе алып, бірнеше сағат өткен соң қайтыс болды. Алайда оған салынған препарат атауы нақтыланбаған. Бұл туралы mediametrics.kz-ке хабарлайды.
Аталған ақпаратты жергілікті шериф билігінің кеңсесі «Facebook» парақшасында мәлімдеді. Бақилық болған американдық коронавирус инфекциясын 2020 жылдың желтоқсанында жұқтырған. Ал 21 қаңтарда ол вакцина алып, бірнеше сағаттан соң өмірден озған.
АҚШ-та америка-германиялық Pfizer және BioNTech вакцинасы, сондай-ақ Moderna компаниясы жасаған дәрілік зат қолдануға рұқсат етілген. Бұдан өзге Норвегияда коронавирусқа қарсы Pfizer және Moderna вакцинасын салдырған 23 адам қайтыс болды. Олардың барлығы 80-нен асқан қариялар. Вакцина өндірушісі егде адамдардың денсаулығы әлсіз болғанын алға тартып отыр.
Ал ҚР Денсаулық сақтау министріАлексей Цойдың сөзінше, елімізде Pfizer коронавирустық вакцинасын сатып алуға қатысты тиісті бөлім мен өндіріс компаниясы құпиялылық туралы келісімге де қол қойған. Сондай-ақ ол елімізде отандық және ресейлік вакциналардан бөлек, Қазақстанда келесі дәрілерді қолдану мәселесі қарастырылып жатқанын мәлімдеді:
1)«AstraZeneca» компаниясының Оксфорд вакцинасы (Ұлыбритания) — оны тексергендер денсаулықта «түсініксіз ауытқулар» кездескенін анықтаған
2) Sinovac Biotech вакцинасы (Қытай);
4) Moderna, Pfizer және BioNTech вакцинасы (АҚШ, Германия)
