ҚР СІМ-де азаматтардың өтініштерін қарауға жүргізілген қоғамдық мониторинг нәтижелері талқыланды

Қазақстан Сыртқы істер министрлігінде Қазақстан Республикасы Парламенті Мәжілісінің Халықаралық істер, қорғаныс және қауіпсіздік комитетінің төрайымы Айгүл Құспанның жетекшілігімен Қоғамдық кеңестің кезекті отырысы өтті.
Бекітілген күн тәртібіне сәйкес отырыста қоғамдық кеңес мүшелері ҚР СІМ мен оның шет елдердегі мекемелерінің азаматтардың өтініштерімен жұмысына жүргізілген қоғамдық мониторинг нәтижелері туралы есептері тыңдалды.
Осы мәселе бойынша Консулдық қызмет департаментінің директоры Бауыржан Ақатаев сөз сөйледі. Ол консулдық қызметтің басты міндеті шетелдегі қазақстандық азаматтардың құқықтарын, бостандықтары мен мүдделерін қорғау екенін атап өтті.
Министрлік ай сайын Қазақстанның жеке және заңды тұлғаларынан, сондай-ақ шетел азаматтарынан түсетін өтініштерге мониторинг жүргізеді. Мәселен, 2024 жылдың бірінші тоқсанында Қазақстанның шет елдердегі мекемелеріне 5170 өтініш түсіп, оның 99,4 пайызы қанағаттандырылды. «Халық үніне құлақ асатын мемлекет» тұжырымдамасын жүзеге асыру мақсатында 88 шетелдік мекеме «e-Otinish» жүйесіне қосылған.
Түркияның жер сілкінісінен зардап шеккен аудандарынан азаматтарымызды шығарудағы, сондай-ақ Газа секторынан отандастарымызды эвакуациялаудағы консулдардың еңбегі ерекше назар аударылды. Қазақстан азаматтары үшін визалық режимді жеңілдету бойынша үдемелі жұмыстар аталып өтті.
Кездесу аясында Үшінші Ұлттық Құрылтайдың қорытындылары, СІМ ұжымының су тасқынынан зардап шеккен өңірлердің тұрғындарына көрсеткен көмегі және қоғамдық кеңес мүшелерінің этикалық нормалары талқыланды.
Кеңес сыртқы саяси ведомствосының азаматтардың өтініштеріне байланысты, әсіресе инвестициялық салада, мониторинг жұмыстарын жалғастыру туралы шешім қабылдады. Сонымен қатар, Қоғамдық кеңес жұмысының алдағы бағыттары бойынша пікір алмасу өтті.