Түркістан облысының санитариялық-эпидемиологиялық бақылау департаментінің басшысы Нұрбек Нышановтың тапсырмасына сәйкес «Арыз-шағымдарды қарау тәртібі» тақырыбында семинар өткізілді.
Семинар барысында департаменттің техникалық регламенттердің талаптарын бақылау бөлімінің басшысы Мақпал Бейбітқызы аталған сала бойынша жұмыс барысындағы өзекті мәселелерге тоқталып, заңнама аясында атқарылар шаралармен бөлісті.
Бөлім басшысы өз мәлімдемесінде әрбір түскен арыз-шағымдарды зерделеп, сараптама жасау қажеттігін, жолданымды қарауға және Кәсіпкерлік кодексімен реттелген жоспардан тыс тексеру жүргізудің талаптарының мәселелерін кеңінен баяндап өтті. Сонымен қатар Құқықтық қамтамасыз ету бөлімінің басшысы Сұлтан Абуов түскен өтініш, арыз-шағымдардың мерзімдері жайлы атап өтті.
Семинарға облыстық санитариялық-эпидемиологиялық бақылау департаменті басшысының орынбасары Асқар Искаков төрағалық етіп, аудандық, қалалық санитариялық-эпидемиологиялық бақылау басқармаларының санитариялық-гигиеналық және техникалық регламенттер талаптарын сақталуын бақылау бөлімінің басшылары «Zoom» платформасы арқылы қатысты.
Түркістан облысының санитариялық-эпидемиологиялық бақылау департаменті
