«Түркістан таланттары» жобасы Созақ ауданында жалғасын тапты. Онда «Мыңжылқы» мәдениет сарайында өткен кездесу кешінің кейіпкерлері – Созақ ауданының перзенттері, ақын-ұстаз Тұмартай Дінтайұлы, ҚР Мәдениет қайраткері, драматург-режиссер Сая Қасымбек, ақын-журналист Гүлнар Өмірбек.
«Күй елі – жыр елі» атты іс-шарасын Созақ ауданы әкімінің орынбасары Қалдыбек Оразов ашып берді. Ол кеш кейіпкерлерімен қатар ақын Айдар Сейдазым мен Әлімжан Әлішерді және облыстық кітапхана директоры Жанат Шардарбекованы аудан әкімінің алғыс хатымен марапаттады.
Мазмұнды кешті ақын Айдар Сейдазым жүргізіп отырды. Кеш кейіпкерлері өз туындыларын оқып, сырларымен бөлісті.
Айта кетейік, аталған жоба Түркістан облыстық мәдениет және туризм басқармасының қолдауымен, Қазақстан Жазушылар одағының Түркістан облыстық филиалы мен облыстық «Фараб» әмбебап ғылыми кітапханасы ұйымдастырған.2023 жылдың 23 қараша күні Түркістан облысы білім басқармасының “Білім беруді дамыту орталығының ” бастамасымен “Білім беру жүйесіндегі инновациялық-педагогикалық технологияларды пайдаланудың тиімділігі” тақырыбында Түлкібас ауданының білім бөліміне қарасты барлық білім беру ұйымдарының директордың бейіндік ісі жөніндегі және оқу ісі жұмыстары жөніндегі орынбасарларына ӘДІСТЕМЕЛІК КӨМЕК көрсетілді. Әдістемелік десантты Білім беруді дамыту орталығының “Инновациялық және стратегиялық жоспарлау ” кафедрасының меңгерушісі Жунисова Назым Досжановна, кафедра әдіскерлері Байдарбекова Эльмира Садуовна, Тлеулиев Самат Пернебайұлы жүргізді.
Аталған іс-шараны Түлкібас ауданының білім бөлімінің бас маманы Б.Қилыбаев ашып беріп, білім беру жүйесіндегі инновациялық-педагогикалық технологияларды тиімді пайдаланудың жолдары, “Білімді ұлт” сапалы білім білім беру ” ұлттық жобасын білім беру ұйымдарында іске асыру бойынша педагогтердің кәсіби құзыреттілігін дамыту бойынша тоқталып өтті.
Бүгінгі өткізілген әдістемелік десанттың мақсаты: Түлкібас ауданы көлемінде мектеп директорының оқу ісі жөніндегі орынбасарларының білім беру жүйесіндегі инновациялық- педагогикалық технологияларды тиімді пайдалану жұмыстарының әдістемесін жетілдіру, оқушылардың функционалдық сауаттылығын дамыту бойынша әдістемелік сүйемелдеу.
