КЕНТАУ: «QAZAQSTAN DAUIRI» ГАЗЕТІНІҢ ЭКСПЕДИЦИЯСЫ КЕНШІЛЕР ҚАЛАСЫНДА

«AMANAT» партиясының қолдауымен ҚР Ауыл шаруашылығы министрлігі мен ҚР Оқу-ағарту министрлігі «Ел Ана» сайты және «Qazaqstan dauiri» газетінің ұйымдастыруымен жыл сайын өткізілетін дәстүрлі экспедицияны жалғастыру мақсатында өңірімізге Қазақстан Республикасының Еңбек сіңірген қайраткері, «Qazaqstan Dauiri» ЖШС-нің Бас директоры Мешітбаева Сәуле Мешітбайқызы арнайы жұмыс сапарымен келді.
Кентау қаласындағы Ә.Молдағұлова атындағы № 19 мектеп — лицейінің мәжіліс залында өткізілген кездесуге, білім беру және денсаулық сақтау саласының өкілдері, ардагерлер кеңесі мен әжелер алқасының мүшелері, қалалық мәслихаттың депутаттары, партия филиалының төрағасы А.Басаров, сондай-ақ бұқаралық ақпарат құралдарының өкілдері қатысты.
Бұл экспедицияның ерекшелігі – жыл сайын ауыл, қалаларды аралап, ондағы тың жаңалықтарды, жаңашылдықты, толағай табыс-жетістіктерді жарқырата көрсетіп, сонымен бірге көкейтесті мәселелерді, кемшіл тұстарды мемлекет назарына ұсынып, оның орындалуына, оң шешілуіне ұйытқы болады деген сеніміміз мол.
«Qazaqstan dauiri» газеті жыл сайын «Ауыл» атты экспедициясын ұйымдасытырып, ҚР Ауыл шаруашылығы министрлігі мен «AMANAT» партиясының қолдауымен ауылдың бүгінгі келбеті мен болашағын көрсету мақсатында бірлесе жұмыс жүргізуде.
Бұл экспедицияның ерекшелігі – жыл сайын ауылды ерінбей аралап, ондағы тың жаңалықтарды, жаңашылдықты, толағай табыс-жетістіктерді жарқырата көрсетіп, өзгелерге үлгі етсе, сондай-ақ көкейтесті мәселелерді де, кемшін тұстарымызды да мемлекет назарына ұсынып, оның орындалуына, жөнделуіне ұйытқы болады.
Кездесуді облыстық партия филиалы атқарушы хатшысының орынбасары П.Тұрсынбаев ашып жүргізіп отырды. Кездесудің алғашқы сөзі Қазақстан Республикасының Еңбек сіңірген қайраткері, «Qazaqstan Dauiri» ЖШС-нің Бас директоры Мешітбаева Сәуле Мешітбайқызына беріліп, — ұлттық құндылықтарды дәріптеуге, бала тәрбиесі, ана мен бала денсаулықтары жайлы айтып кетті.
Білім және денсаулық саладағы жетістіктерімен білім беру бөлімінің басшысы Ә.Әуелбеков және «Денсаулық» БПҰ мүшесі, жас дәрігер Т.Нармахан бөлісті.
Жиынға қатысушылар Сәуле Мешітбайқызына сұрақтар қойып, ой пікірлерін айтып, кездесуді қорытындылады.