«№25 жалпы білім беретін мектеп» коммуналдық мемлекеттік мекемесінде 22 қараша 2023 ж күні ДТІЖО М.Каумбаева,Ж.Джахаева,әлеуметтік педагог Р.Сарайбаева,ҚББП Н.Умбетова,педагог – психолог А.Мырзамуратованың қатысуымен 8 – 10 сыныптар арасында «Буллинг және кибербуллинг дегеніміз не?» тақырыбында түсіндіру жұмыстары жүргізілді.
Мақсаты: Оқушылар арасында кездесетін буллингтің, кибербуллингтің не екенін және айырмашылығын түсіндіру, кибербуллингтің салдарынан туындайтын қиыншылықтың алдын-алу. Буллинг, кибербуллинг туралы ақпаратты кеңейту.
Сонымен қатар Буллинг пен кибербуллингтің айырмашылығы, Кибербуллингтің салдары, Кибербуллинг, буллинг орын алған жағдайда не істеу керек? Буллингтің қалай алдын алуға болады?Ондай жағдайда ата-анамызға қалай айтамыз? – деген сұрақтарға түсіндірме жұмыстары жүргізіліп, тақырып аясында бейнеролик көрсетілді.Оқушыларға сұрақтар қойылып, өздерін толғандырып жүрген сұрақтарға жауап алды.
Бүгінгі таңда технологиялардың дамуы біздің қалай өмір сүретінімізді, достасатынымызды, жаңа нәрселерді танып-біліп, өзімізді алаңдататын мәселелердің шешімін қалай іздейтінімізді түбегейлі өзгертіп, әдеттегі тұрмыс салтына айтарлықтай әсер етеді. Сонымен қатар, жаңа технологиялар бүгінде цифрлық зорлық-зомбылық деп аталатын жаңа қауіптерді де алып келеді.
Цифрлық зорлық-зомбылық бір адам басқа адамды айлаға жығуға, қорқытуға және басқаруға, гаджеттердің, қосымшалар мен әлеуметтік желілердің көмегімен оған зиян келтіруге әрекет жасағанда орын алады.
Цифрлық зорлық-зомбылықты әртүрлі жағдайларда – жұмыста, мектепте немесе университетте, отбасында кездестіруге болады. Мұндай зорлық-зомбылық бейтаныс адамдардан да, жақын адамдардан да туындай алады.
