Чемпионат 2023 жылдың 19-27 қарашада Астана қаласында өтеді.
Айта кетейік, өткен жылы «Worldskills kazakhstan — 2022» республикалық кәсіби шеберлік чемпионатына Түркістан облысынан 14 колледжден, 29 кұзыреттілік бойынша 30 қатысушы, 29 эксперт қатысып бақ сынаған болатын. Есесіне, студенттеріміз ІІ орын — 5, ІІІ орын — 3, 5 медаль жеңіп алды. Өңіріміз аталған Чемпионатқа 2015 жылдан бастап қатысып келеді.
Оқу-ағарту министрлігінің мәлімдеуінше, байқауға еліміздің түкпір-түкпірінен 22 жасқа дейінгі аралықтағы 545 маман және 520 сарапшы қатысады.
WorldSkills — жұмысшы мамандығының мәртебесін арттыру және дәріптеу мақсатында әлемнің 82 мемлекетіне таралған халықаралық қауымдастық. Оның құрамына Қазақстан 2014 жылы 70-ші қатысушы мемлекет болып тіркелген.
WorldSkills қозғалысын дамытудың негізгі мақсаты — кәсіптік білім берудегі техникалық, қызмет көрсету және құрылыс салалары бойынша қатысушылардың тәжірибелік дайындығын, кәсіптік біліктілігін, шығармашылығы мен жоғары еңбек мәдениетін, заманауи, оның ішінде ақпараттық-коммуникациялық технологияларды іс жүзінде қолдана алу біліктілігін сынау.
Сайыстың үш күнінде, яғни 23-25 қараша аралығында «ЭКСПО» халықаралық көрме орталығының аумағында колледж студенттері 30 құзырет бойынша өз шеберліктерін ортаға салады.Олардың ішінде кірпіш қалау, кузов жөндеу, бастауыш сыныптарға сабақ беру, бизнеске арналған IT шешімдер, қонақүйдің қабылдаушысы, аспаздық, шаштараз және т.б. бар.
Республикалық чемпионаттың қатысушыларын марапаттау рәсімі 27 қарашада өтеді.
Жеңімпаздар келесі жылдың 10-15 қыркүйегі аралығында Францияда өтетін «WorldSkills Lyon 2024» халықаралық чемпионатында Қазақстанның атынан қатысу мүмкіндігіне ие болады.
