ТҮРКІСТАН ОБЛЫСЫ: ҚОЖА АХМЕТ ЯССАУИ АТЫНДАҒЫ УНИВЕРСИТЕТІ QS WORLD UNIVERSITY RANKINGS СЕРТИФИКАТЫН АЛДЫ

Түркістан өңіріндегі оқу ордаСЫ әлемдегі ең әрі ықпалды әлемдік университет рейтингтерінің бірі – QS World University Rankings 2024 естелік белгісі мен сертификатына ие болды. Марапатты QS Quacquarelli Symonds Президенті және негізін қалаушы Нунцио Квакварелли өз қолымен университет ректоры Жанар Темірбековаға табыс етті.
Еске салайық, университетіміз QS World University Rankings 2024 әлемдік рейтингінде 787-ші (781-790 позиция) орынға жайғасты. Рейтингке 104 мемлекеттен 1499 университет енді. QS рейтингінде бағалау келесі критерийлер бойынша жүргізілді: академиялық бедел, жұмыс берушілер беделі, студенттер саны мен оқытушылар ара қатынасы, ғылыми жарияланымдарға сілтемелі басылымдар, шетелдік оқытушылар мен студенттердің үлесі, халықаралық ғылыми коллаборация, бітіруші түлектердің жетістігі және тұрақты даму мақсаттарына қолжеткізу.
Бүгін Алматы қаласындағы Абай университетінде QS World University Rankings халықаралық рейтингінің естелік белгісі мен сертификатын салтанатты түрде табыстау рәсімі өтті. Оған Ахмет Ясауи университетінің ректоры Жанар Темірбекова да қатысты.
Іс-шараның шымылдығы Қазақстан Республикасы Жоғары оқу орындары ректорлары кеңесінің Төрағасы, Л.Н.Гумилев атындағы ЕҰУ Басқарма төрағасы – ректоры Ерлан Сыдықовтың құттықтау сөзімен түрілді.
Сертификаттарды тапсыру рәсімінде Абай атындағы Қазақ ұлттық педагогикалық университетінің ректоры Болат Тілеп, QS Quacquarelli Symonds негізін қалаушы және президенті Нунцио Квакварелли, ҚР Ғылым және жоғары білім министрінің штаттан тыс кеңесшісі Фатима Жақыпова сөз сөйледі.
Бұдан әрі университет басшыларына QS World University Rankings 2024 естелік белгісі мен сертификаттары табыс етілді.