Бұл инновациялық білім беру платформасы еліміздің түкпір-түкпіріндегі оқушылардың назарын өзіне аударуда. Осы жылдар ішінде оқушылардың Ұлттық Бірыңғай Тестілеу (ҰБТ) алдындағы сенімсіздік пен толқу сезімдерін аз да болса жеңуге көмектесетін сенімді серіктеске айналды.
«MEKTEП OnLine» жобасы ұйымдастырушыларының арқасында оқушылар осы платформа арқылы оқудағы кедергілерді жеңуге көмектесетін мүмкіндікті тапты. Үш жыл көлемінде «MEKTEП OnLine» жобасы оқушылардың қазақ және орыс тілінде білімдерін шыңдап, шабыт беретін көмекшілеріне айналды.
Түлектерді әңгімелерінде осы платформаның ҰБТ-ға дайындықтағы маңыздылығы туралы көптеген оң пікірлер айтылды. 11-сынып оқушыларының бірі өз тәжірибесімен бөлісті:
«Алда барлық түлектерді ҰБТ күтіп тұр. Мен бұл тестілеуге 10 және 11 сынып бойы дайындалдым, бірақ бәрібір алаңдаймын. Бүгінгі таңда «MEKTEП OnLine» жобасы арқасында мен өткен жылдардағы кез-келген тақырыпқа оралып, бірнеше минут ішінде барлық материалды еске түсіре аламын. Әсіресе геометрия, физика, химия сияқты күрделі пәндерді қайталап оқуда байқалады. Негізі, мен өзіме, өз біліміме сенімдімін, дегенмен қорқыныш сезімдері бар».
«MEKTEП OnLine» жобасы ҰБТ-ға дайындалу үшін арнайы әзірленген бейне-сабақтарды ұсынып қана қоймай, оқушыларға жақсы оқуға көмектеседі. Платформаның негізгі ерекшеліктерінің бірі – күрделі ұғымдар мен заттарды түсінікті етіп талдайтын қысқаша бейне сабақтар. Мұны Талғар лицейінің оқушысы Ясмина растайды:
«Бүгінгі таңда «MEKTEП OnLine» жобасының бар болғаны қандай керемет. Мен осы бейне сабақтардың барлығын тыңдап шықтым. Берілген сабақтардың арқасында түсінбей жүрген тақырыптарды қайта қарап шықтым, енді өз күшіме сенімдімін. Алдағы тестке деген үрей сейілгендей болды. Сонымен бірге, оқу барысындағы ең керемет нәрсе ол дайындыққа бір сағат уақыт жетеді. Себебі, «MEKTEП OnLine» арнасындағы сабақтардың ұзақтығы 15 минуттан аспайды. Ал, қалған уақытымды осы тақырыпты толық түсініп, бекіту үшін тапсырмалар орындаймын».
«МЕКТЕП OnLine» жобасы белгілі бір пәндерде қиындыққа тап болып, оқу үлгерімдері мен бағаларына кері әсері тиіп кетуі мүмкін оқушыларға да көмектеседі. Мына оқушының жазбасы осы жоба арқасында қиындықтарды қалай жеңгені туралы айтылады:
«Мен кейбір пәндер бойынша артта қалдым – геометрия, химия сабақтары мен үшін қиын болды. Бағаларым да онша жақсы болмады. Менің ата-анам қатты уайымдады. Себебі, мектеп бітіремін, алда ҰБТ, университетке түсу қажет. Кейін «МЕКТЕП OnLine» жобасын көрдім. Сабақтарды алты ай бойы үздіксіз қарадым және осы аралықта өз білімімді айтарлықтай арттырдым. Әсіресе, химия пәнінен үлгерімім жақсарды. Негізі 9-сыныпта өткен бірнеше тақырыпты қайтадан қарау керек екен, қазір барлығы түсінікті. Жүйе арқасында химия мен геометрия ғана емес, басқа да пәндер бойынша бағаларымды түзетіп алдым.
Соңғы сандар «MEKTEП OnLine» жобасының танымалдығы мен жетістігін растайды. 50 миллионнан астам көрермен бейне сабақтарды қараған, ал жазылушылардың жалпы саны 589 600-ден асты. Бұл сандар «МЕКТЕП OnLine» жобасының кең аудитория алдындағы танымалдығы мен сенімін көрсетеді.
Бүгінгі таңда «Samruk Kazyna Trust» әлеуметтік жобаларды дамыту қорының арқасында «МЕКТЕП OnLine» жобасы әлеуметтік маңызды мәселелерді шешуге бағытталған қайырымдылық және білім беру бағдарламаларын іске асыруда. Бұл барлық балаларға сапалы білім алуға мүмкіндік береді.
