Бүгін Арыс қаласының білім бөліміне қарасты М.Шаханов атындағы жалпы орта мектебінің жанынан ашылған жазғы сауықтыру лагерінде «Толағай» эстафеталық ойыны өтті.
Оқушылар 3-топқа — 10 оқушыдан бөлініп, сайысқа түсті.
1.»Жас ұлан»
2.»Достық»
3.Қыран топтары.
Мақсат — оқушыларды спортқа баулу, жылдамдық пен дәлдікке үйрету, бірін-бірі сөзсіз ұға білуге дағдыландыру. Сондай-ақ, топпен жұмыс жасау қабілеттерін арттыру болып табылады.
Ойын қорытындысы бойынша «Жас ұлан» тобы 98 балмен ІІІ-орын;
«Қыран»тобы 102 балмен ІІ-ші орын;
«Достық» тобы 104 балмен І-орынды жеңіп алды.
Ойын тартысты, әрі қызықты өтті.
Қатысқан топтарға арнайы сыйлықтар үлестірілді.
Айта кетсек, Түркістан облысында балаларға арналған жазғы 9 лагерь өз жұмысын бастаған.Солардың бірі — Төлеби ауданына қарасты, Екпінді ауылында орналасқан «Біркөлік шатқалы» балалар лагері. 2018 жылдан бастап жұмыс істеп келе жатқан лагерьдің 250 балаға демалыс орны қарастырылған. Қазіргі таңда онда 250 бала болса, олардың 200-і Қазығұрт ауданынан, қалғаны еліміздің әр өңірінен келген балалар. Лагерьге 16 жасқа дейінгі балалар қабылданады. «Біркөлік шатқалы» балалар лагері 9 корпустан тұрады. Жаз бойы лагерьде 7 ауысым болады. Әр ауысымда 8 топ, екі тәрбиеші бар. Балалар бос уақытта бейімділігіне қарай шахмат, футбол, волейбол ойындарына қатысып, өздерінің қабілеттерін шыңдай алады.
Күнделікті екі мезгіл іс-шара өтіп отырады. Балалардың жазғы демалысын әсерлі, мәнді ұйымдастырудан бөлек, олардың қауіпсіз жағдайда демалуын қамтамасыз ету мәселесі өте өзекті. Лагерьлердегі қауіпсіздікті бірнеше органдар қамтамасыз етеді. Денсаулық сақтау министрлігі санитариялық-эпидемиологиялық бақылау қызметі орталықтардың санитарлық талаптарға сәйкестігін тексеріп, арнайы қорытынды берілген. Одан кейін төтеншеліктер өрт қауіпсіздік мәселелерін қамтамасыз етеді. Сондай-ақ, балалардың суға шомылу қауіпсіздігі қарастырылған. Ал полиция органдары болса, лагерь аумағында қоғамдық тәртіпке жауапты.
Биыл жазғы лагерьлерде жалпы 2 000 баланы қамту жоспарланған. Көпбалалы және аз қамтамасыз етілген отбасы балаларына тегін жолдама ұйымдастырылған. Балалар күнделікті 4 мезгіл ыстық тамақпен қамтылған. 10 күндік демалыс кестесіне сәйкес жоспар бекітіліп, балалардың уақытын тиімді өткізу басқарма тарапынан бақылауға алынған.
