Түркістан облысы, Арыс қаласының білім бөліміне қарасты Аққала жалпы орта мектебінде бүгін 11-сынып бітіруші оқушыларға арналған аттестат тапсыру жиыны өтті.
Салтанатты жиынға Түркістан облысы адами әлеуетті дамыту басқармасының білім беруді дамыту орталығының басшысы Төлімбет Бақытжан Нұрмағанбетұлы арнайы қатысып, мектеп бітіруші түлектерге өз қолымен аттестат тапсырды.
Сонымен қатар облыстық білім беруді дамыту орталығының арнайы «Алғыс хатымен» мектеп директоры Мауленов Ердаулет Еркеқұлұлы, ДТІЖО Қазыбаева Гүлмира Бекбосынқызы, 11-сынып жетекшілері: Ділдабекова Айнұр, Аубешова Рыскул, музыка пәнінің мұғалімі Байтемиров Буралхан марапатталды.
Іс-шара соңында мектеп директоры Мауленов Ердаулет Еркеқұлұлы барлық бітіруші түлектерге қауіпсіздік ережелері мен мектеп бітіру кешінде тыйым салынатын жағдайларды айтып таныстырды.
Жоғары білім мен тағылымды тәрбиені бойына сіңіріп өскен шәкірттеріміз Отанымыздың қазынасы, елдің ертеңгі елеулі тірегі болуына тілектеспіз,- деді ұстаздар.
Еске салсақ, өткен жылы, Жетісай қаласындағы Б. Момышұлы атындағы мектеп-гимназиясын бітірген 63 түлектің барлығы мемлекеттік грантқа ие болған еді. Олардың бәрі Ұлттық бірыңғай тестілеуде жоғары балл жинаған.
Бұл мектептің түлектері жыл сайын осындай аса жоғары көрсеткішке қол жеткізіп келеді. Қоғамда мұндай нәтижеге күмәнмен қарайтындар бар. Бірақ, мектеп басшысы мұның сыры қарапайым дейді: білікті педагогтар және зерек оқушылар.
Айта кетсек, Б. Момышұлы атындағы мектеп-гимназия 1986 жылы ашылған. 2009 жылы оған гимназия деген статус берілді. Соңғы 20 жылда мектептен 444 Алтын белгі, 220 Үздік аттестат иесі түлеп шыққан. Қосымша ақпар. 2023-2025 жылдар аралығында «Жайлы мектеп» Ұлттық пилоттық шеңберін іске асыру мақсатында облыста 49 000 орынды 63 мектептің құрылысы жүргізіледі. 2023 жылдың соңына дейін Түркістан облысында жалпы 20 мектепті (5 150 орын) пайдалануға берілу жоспарланған.