Жуырда «EDUStream» халықаралық білім беру компаниясы – Қазақстандағы «Express Publishing» халықаралық баспасының ресми өкілі Астана қаласында «Совершенствование педагогического мастерства учителей в школе XXI века» тақырыбындағы халықаралық ғылыми-практикалық конференциясын, сонымен қатар оқу жылы бойына созылған байқау қорытындысы бойынша Республикалық кезеңнің финалына өңір оқушылары мен мұғалімдері де марапатталды. Отырар ауданы Ш.Қалдаяқов мектеп-гимназиясының оқушысы Мұхамедәшім Гүлім І орын иеленіп, мұғалімі Сұлтаханова Балжан марапатталды.
Дәстүрлі шара 7-ші мәрте ұйымдастырылды. Биыл конкурсқа 2 мыңнан астам мұғалім мен мың жарым оқушы қатысты. Олар ағылшынша эссе жазып, бейнежазба түсірді. Тест тапсырды. Әсіресе, шалғай ауылдардан келген балалар мен оқытушылар белсенділік танытты. Ағылшын тілін жетік меңгергенін көрсетіп, жеңімпаздар қатарынан көрінді. Жалпы 37 қатысушы жүлделі орынға ие болды. Осыған дейін конкурс озаттары беделді отандық және шетелдік жоғары оқу орындарына түсіп, IELTS-тан жоғары балл алған.
Ұйымдастырушы компания «EXAM VOUCHER» сертификатын сыйға тартты. Отырар ауданы Темір жалпы орта мектебінің оқушысы Досан Айназым ІІІ орын иеленіп, мұғалімі Жандарбекова Мариназ марапатталып, «EXAM VOUCHER» сертификатына ие болды.
Жетісай ауданы Б.Момышұлы атындағы мектеп гимназиясының оқушысы Досан Жания жүлделі ІІІ орынға ие болып, жетекшісі Қалжанова Айгул марапатталып, «EXAM VOUCHER» сертификатына ие болды.
Ордабасы ауданының Д.Қонаев атындағы жалпы орта мектебінің оқушысы Лес Сымбат «Зерттеуші оқушы» номинациясына ие болып, жетекшісі Өтебек Әлия марапатталды. А.Шерімқұлов атындағы жалпы орта мектебінің оқушысы Сейітхан Аделя «Шығармашыл шәкірт» номинациясына ие болды. Мұғалімі Хасанова Наргиля мадақтамамен марапатталды. «EDUStream» халықаралық білім беру компаниясы барлық жүлделі орын алған оқушылар мен олардың жетекшілеріне бағалы сыйлықтарын ұсынды.
