Сарыағаш ауданының білім бөліміне қарасты №52 М.Өтемісұлы атындағы жалпы орта білім беретін мектебінде Ұлы отан соғысының ардагері және ұлағатты ұстаз болған Сарсенбаев Мырзакәрім Ізбасарұлы есіміне арналған бастауыш сынып оқушылары үшін кабинет ашылды.
Лента қию салтанатына ұлағатты ұстаздың ұлы Әбдікәрім Мырзакәрімұлы, немерелері мен мектеп ұжымы қатысты. Жиын барысында Мырзакәрім Ізбасарұлының өмірі жайлы соғыстағы ерліктерін еске алып, еңбек жолы мен қызметі жайлы әңгіме қозғалды. Кабинеттің ашылуына ұлы Әбдікәрім Мырзакәрімұлы мен немерелері демеушілік жасады. Бастауыш сынып оқушылары үшін қажетті құрал-жабдықтармен жабдықталды.
Қазір білім берудің сандық және сапалы деңгейі мен түрлері сан алуан болған шақта, білімнің қадір-қасиеті мен құдіретін жоғалтып алмауды ұмытпаған жөн. Білім шын мәнінде, ұлы күш екендігін әрбір жас ерекше сезінгені абзал. Бұл орайда Түркістан облысындағы Сарыағаш ауданында соңғы жылдары айтарлықтай сапалы білімге қол жеткізіліп келеді. Өйткені тәрбие мен білім егіз. Сондықтан да бала білімді болғанымен, тәрбие саласы ақсап жатса, онда ешқандай нәтиже болмайды. «Бұл орайда бізде екі сала да жақсы жолға қойылған. Ауданның білім беру мекемелері оқу мен тәрбиеге бөлек қарамайды. Сондықтан да біз жақсы көрсеткіштерге қол жеткізіп келеміз. Әрине, тәрбие талбесіктен деп жатады. Бірақ білім беру ұйымдарының да баланы тәрбиелеуде рөлі өте үлкен. Өйткені оқушы уақытының біраз бөлігін мектепте өткізеді. Сондықтан аудан мектептерін тәрбиеге қатысты игі шаралар көп өткізіледі.
Айта кетсек, ҚР Президенті Қасым-Жомарт Тоқаевтың «Әділетті мемлекет. Біртұтас ұлт. Берекелі қоғам» атты Жолдауында айтылғандай, 2025 жылға дейін елімізде 800 мыңға жуық баланың заманауи мектепте білім алуына жағдай жасалады. Ол үшін «Жайлы мектеп» ұлттық жобасы қолға алынды. Өңірде бұл жобаны іске асыру үшін 2023-2025 жылдарға арналған республикалық бюджеттен 400 млрд. теңгеден астам қаражат бөлінбек. Жоба аясында ашылған мектептер заманауи құрылғылармен толық жабдықталады. Зертханалармен қамтамасыз етіледі. Бастауыш сыныптар үшін жеке блог болады. Мақсат – оқушылар мен оқытушыларға қолайлы әрі қауіпсіз жағдай жасау және білім беру қызметінің сапасын арттыру.
