24 мамыр күні Шымкент қаласында, «Зерделі» ақыл-ой дамыту мектебінің базасында 3-4 сынып оқушыларына арналған математикалық «Алтын сақа» олимпиадасының облыстық кезеңінің жеңімпаздарын марапаттау рәсімі өтті.
Облыстық кезеңнің қорытындысы бойынша Ордабасы ауданынан қатысқан 10 оқушының 9-ы марапатталды. Оның ішінде 6 оқушы жүлделі орындармен, 3 оқушы ынталандыру грамотасымен марапатталды. Жүлделі орындардың марапаттау қағаздарын облыстық дарынды балаларды анықтау және қолдау орталығының қызметкері Шұғыла Әбдірахманқызы және «Зерделі» орталықтары мен мектептері жүйесін және республикалық математикалық «Алтын сақа», «Алтын тұғыр», «Алтын түлек» олимпиадаларының негізін қалаушы Ырысбек Мәуіт дарынды балаларға деген жақсы тілектерін білдіріп, табыстады.
Сонымен қатар, І орын иеленген оқушыларға «Зерделі» ақыл-ой орталықтарында білім алуға 50 % жеңілдік, ІІ орын иеленген оқушыларға 40% жеңілдік, ІІІ орын иеленген оқушыларға 30% жеңілдік, ынталандыру грамотасын алған оқушыларға 20% жеңілдік сертификаттары берілді.
Олимпиадаға ауданымыздан қатысқан оқушылардың білім көрсеткіші негізінде Түркістан облысындағы 17 аудан ішінде Ордабасы ауданы командалық есеп бойынша І орын иеленді.
Жүлделі орындарды иеленген оқушылар:
І орын — Асан Иманғали — Ш.Уәлиханов атындағы мектеп-гимназиясының 3-сынып оқушысы, жетекшісі Айтбаева Ұлбазар
І орын — Мусурманкул Келдібек -«Достық» жалпы орта мектебінің 3-сынып оқушысы, жетекшісі Сапарова Карлыгач
І орын — Әужан Айару — Б.Кенжебаев атындағы жалпы орта мектебінің 4-сынып оқушысы, жетекшісі Әсембай Күлжан
ІІ орын — Лесбек Дияр -Ғ.Мұратбаев атындағы жалпы орта мектебінің 3-сынып оқушысы, жетекшісі Қонысбаева Жазира
ІІІ орын — Керімбай Нұрислам — Ш.Уәлиханов атындағы мектеп-гимназиясының 4-сынып оқушысы, жетекшісі Бекбердиева Зина
ІІІ орын — Мұсахан Қарақат — Ә.Махамбетов атындағы бастауыш мектебінің 4-сынып оқушысы, жетекшісі Баймахан Эльмира
Ынталандыру грамотасы — Рысқұлбек Естай — Амангелді атындағы жалпы орта мектебінің 4-сынып оқушысы, жетекшісі Қалабаева Набира
Ынталандыру грамотасы — Қалдыбек Мейрамбек -«Атамекен» жалпы орта мектебінің 3-сынып оқушысы, жетекшісі Байсейтова Алтыншаш
Ынталандыру грамотасы — Рүстембек Сабиназ – Н.Нысанбайұлы атындағы жалпы орта мектебінің 4-сынып оқушысы, жетекшісі Жүсіп Гүлдана
»Оқушыларды дайындаған жетекші ұстаздарымызды құттықтай отырып, шығармашылық табыс тілеп, жүлделі орын иеленген дарынды балаларымызға алдағы уақытта білімнің биік шыңдарын бағындыра береді деп сенім білдіріп, үміт етеміз!»,- деп құттықтады ұстаздар.
