Отырар аудандық білім бөліміне қарасты Ш.Қалдаяқов атындағы мектеп-гимназияның 5-сынып оқушысы Базархан Дархан жалпы білім беретін пәндер бойынша республикалық олимпиаданың математика пәнінен жүлделі ІІ-орын иеленді.
ҚР Оқу-ағарту министрлігінің «Дарын» республикалық ғылыми-практикалық орталығының ұйымдастыруымен 2023 жылдың 19 мамыр күні жалпы білім беретін пәндер бойынша 5-6 сынып оқушыларына арналған республикалық олимпиада «oqylyq» платформасы арқылы онлайн форматта өтті.
Білім алушылардың шығармашылық қабілеттерін және танымдық қызметке қызығушылығын анықтау және дамыту мақсатында ұйымдастырылған олимпиадада Базархан Дархан жаратылыстану-математикалық бағытындағы математика пәні бойынша дайындалған тапсырмаларды орындады.
Халықаралық, республикалық олимпиадалар мен ғылыми байқау нәтижелері бойынша өткен жылмен салыстырғанда:
Ө.Жолдасбеков атындағы математика және механика бойынша ХІІ зерттеу жобалары конкурсы нәтижелері 37%-ға, Халықаралық «Азия-Тынық мұхит» және «Жібек жолы» олимпиадасы 12%-ға, Республикалық жалпы пәндер бойынша олимпиада көрсеткіші 4%-ға өссе, Республикалық жаратылыстану — математикалық бағыт бойынша Президенттік олимпиадасы көрсеткіші: 27%-ға, Республикалық ғылыми жобалар байқауы 27%-ға және Республикалық «Зерде» зерттеу жобалары мен шығармашылық жұмыстары байқауы көрсеткіші 42%-ға артқан.
Айта кетсек, биыл елімізде білім беру гранттарының жалпы саны 88 мыңды құрады. Оның ішінде бакалавриатта оқу үшін 73 мың грант, магистратураға – 13 мың, докторантураға 1890 грант бөлініп отыр. Биыл грантқа құжаттарды қабылдау және оның иегерлерінің тізімін жариялау күндеріне қатысты өзгеріс болмайды. Яғни, 13-20 шілде аралығында грантқа құжаттарды қабылдауды, ал грант иегерлерінің тізімін 10 тамызға дейін жариялауды жоспарлап отырмыз. Жоғары орындарына қабылдау 25 тамызға дейін жүзеге асырылады.
