Түркістан облысы,Кентау қалалық адами әлеуетті дамыту бөліміне қарасты Ататүрік атындағы №4 мектеп-лицейінде 2023 жылдың 30 мамыр күні бастауыш сыныбымен, алғаш қолына қалам ұстатқан алғашқы ұстазымен қоштаса отырып, орта буында дәріс беретін ұстаздармен таныстыру, әр баланың ерекшелігін таныта отырып, сәт-сапар тілеу,білім берер ордасы- мектепті, ұстаздарын құрметтеп, білімге деген құштарлығын арттыру, өз Отанынының адал ұлы мен қызы болуға тәрбиелеу, білімнің сара жолы бастауыштан басталатынын , бастауышта алған білімнің негіз болып қаланатынына көз жеткізу мақсатында 4а сыныбында, сынып жетекшісі Байғонова Халипа Икрамбекқызының ұйымдастыруымен «Аттандық бала шақтан болашаққа!» бастауыш сыныппен қоштасу салтанатты жиыны өтті.
Салтанатты шараның мақсаты,білім жолы бастауыштан басталатынын бастауышта алған білімнің негіз болып қаланатынын түсіндіру. Бастауыш сыныбымен, алғаш қолына қалам ұстатқан алғашқы ұстазымен қоштаса отырып, сәт сапар тілеу, үлкенді құрметтеп, еңбекті бағалауға тәрбиелеу.
Оқушылар сапалы білім, саналы тәрбие берген барша ұстаздарға жыр шумақтарын тарту етті. Тақпақтар айтып, ән шырқап, мың бұрала билеп, өз өнерлерін көрсетті.Шара соңында, ата -аналар, мектеп әкімшілігі мен мұғалімдерге алғыс айтып, жылы лебіздерін білдірді. Іс-шара соңын оқушылар бастауышпен қоштасу әсем әнімен аяқтады.
Бастауыштан киелі,
Талай дарын түледі.
Әрбір бала өзіңді,
Есіне алып жүреді.- демекші кеше ғана мектеп табалдырығын аттап, бүгінде 5-ші сыныпқа бара жатқан барша бастауыш сынып оқушыларын жаңа қадамдарымен құттықтаймыз! Шәкірттерге Егеменді еліміздің көк байрағын биіктен желбіретер ақылды, білімді, ел билейтін ұландар, көркейтетін қыздар болыңдар дегіміз келеді.
