“JC INNIPOWER FELLOWSHIP FOR TEACHERS” бағдарламасы аясында Гонконг педагогтерімен Түлкібас ауданының білім бөлімінің білім беру ұйымдарының ағылшын тілі пәні педагогтері тәжірибе алмасу шеңберінде халықаралық оқу-әдістемелік семинарын М.Ломоносов атындағы мектеп-гимназиясының базасында өткізді. Семинар барысында Облыстық » Білім беруді дамыту» орталығының директоры Б.Төлімбет сөз бастап қонақтарды таныстырып, «Ең үздік» ауыл мектебінің өмірімен таныс болды.
Семинардың мақсаты — мектеп оқушылары мен білім беру ұйымдарының педагогтеріне әдістемелік қолдау көрсету, үштілде білім беру, тәжірибелік сабақ көрсету.
Семинарда ауданымыздың үздік педагогтері және шетелдік жетекші білікті оқытушыларының Цэ Вай Инь, Кван Чун Тунг , Мис Цанг Яу Юнгтің тілдерді оқытуда өз тәжірибелерінде қолданатын инновациялық технологиялары мен әдістері қатысушылар назарына ұсынылып, тиімділігі екшеленді. Халықаралық тәжірибедегі тілдерді ана тілі және екінші шет тілі ретінде оқыту әдістемесінің алуан тәсілдері көрсетілді.
Семинар қорытындысында білім алушылар мен педагогтерге пікір алмасу, түйткілді сұрақтарға жауап алу мүмкіндіктері болды.
Айта кетсек, елімізде білім саласына ерекше көңіл бөлініп, оқушыларымыздың сапалы білім алуына барлық жағдай жасалып келеді. Егемендік алғалы соңғы 32 жылда ауданымызда 30-дан астам мектеп, 34-тен астам балабақшалар салынып ел игілігіне берілді.
Ал, бітіруші түлектерге мектепте алған жақсы білімнің арқасында өздерінің қалаған жоғары оқу орнына түсіп, елімізге қажетті маман иесі болып, мемлекеттіміздің әлеуметтік – экономикалық дамуына үлес қосатын, дархан жазиралы Ұлы Дала елінің мерейін асыратын азаматтар болуларын тіледі.
Ағымдағы жылы ауданымызда 1354 оқушы мектеп бітіріп отыр. Оның 1179 алдағы өтетін Ұлттық бірыңғай тестілеуге қатысуға өтініш беруде. Бұл жалпы мектеп бітірушілердің 92 пайызын құрады. Мектеп бітірушілердің 58 оқушысы «Алтын белгі» белгісіне үміткерлер.
