Шардара ауданының адами әлеуетті даму бөліміне қарасты №12 жалпы орта мектебі коммуналдық мемлекеттік мекемесінде 2022-2023 оқу жылындағы бітіруші түлектермен «Жолың болсын, жас түлек!» соңғы қоңырау салтанатты мерекесі өтті. Салтанатты шараның шымылдығы еліміздің Әнұранымен ашылды. Мектеп – мол қазынасы мөлдіреп жатқан, сол мөлдір әлемнен өзіне керек асыл мен жауһар секілді баға жетпес, «білім» деген байлықты алып, өміріңе нәр беретін алтын ұя.
Салтанатты жиын жүргізушінің әдемі өлеңдерімен басталып, «Мектебім» әнімен мектеп бітіруші түлектер мен 20 жыл бұрын бітірген түлектер ортаға шақырылды.
Салтанатты жиынның алғашқы құттықтау сөзін мектеп директоры Д. Тулепов алып, өз сөзінде 1 маусым балаларды қорғау күні мерекесімен құттықтап, әрбір сәбидің тыныштығын қорғау, тәтті ұйқысын бұзбау, алаңсыз күлкісін тоқтатпау деген сөз. Ендеше барлық балаларды төл мерекелерімен құттықтаймыз. Болашақ ұрпақ әрқашан бейбітшілікте өмір сүруіне және елін, жерін қорғайтын азаматтар болып өсуіне тілектеспіз! Еліміздің болашағы — сіздердің қолдарыңызда. Сондықтан әр кезде терең білім алу жолында жалықпай, талмай, ізденіп, ел тізгінін ұстайтын азамат болуларыңызды, алдағы ұлттық бірыңғай тестте жоғары нәтиже көрсетіп, биіктен көрінулеріне шын ықыласын білдіріп, оқу жылында ғылыми жарыстарға, спорттық шараларға, пән олимпиадаларына қатысқан ұстаздар мен оқушыларға дипломдар мен Алғыс хаттар тапсырды. Келесі құттықтау сөз салтанатты жиынның құрметті қонағы аудан әдіскері М. Мінайдарова, ата-аналар комитетінің төрайымы Қ. Абдиеваға сөз беріліп жылы лебіздері мен ізгі тілектері тыңдалды.
Сонымен қатар ардагер ұстаздар, ата-аналар, мектеп бітіруші түлектер шара барысында құттықтау сөз сөйлеп, ізгі лебіздерін білдірді. Мектеп түлектері үздік оқушыларымыз Сабит Аяулым мен Сағындық Нұрмахан өздерінен кейінгі өсіп келе жатқан іні-сіңілдеріне өсиеттерін оқып, білімнің алтын кілтін 10 сыныптың үздік оқушылары Сахова Аяулым мен Сабитхан Әуезханға тапсырды.
20 жылдық түлектер ұстаздарға, бітіруші түлектерге өз тілектерін білдіріп, ақ жол тіледі. Кезекшілік ұйымдастырылып, ешқандай тәртіп бұзушылық болған жоқ.
Жоспарланған іс-шаралар бойынша толығымен атқарылып, өз нәтижесін берді.
