Сарыағаш ауданы прокуратурасының бастамасымен аудан прокуратурасының прокуроры Еламан Артық, аудандық полиция бөлімінің аға инспекторы Гүлмира Сарыбаева, аудандық Төтенше жағдайлар бөлімінің инженері азаматтық қорғау аға лейтенанты Кубелтай Мейіржан және білім бөлімінің бас маманы Лаура Омарованың қатысуымен жазғы демалыс кезіндегі “Құқық бұзушылықтың” орын алмауының мақсатында жалпы білім беру ұйымдарының 8-11 сынып оқушыларымен “Жолда жүру, түнгі уақытта көшеде жүру, қылмыстық әрекеттер, бопсалау, зорлық-зомбылықтың және былапыт сөйлеу” бойынша түсіндіру жұмыстары жүргізілді.
Құқық бұзушылықтың алдын алу бойынша «Қауіпсіз жаз» тақырыбында дәріс өткізілді. Оқушылардың жазғы демалыс кезіндегі жүріп –тұру барысында қауіпсіздік ережелері туралы білімдерін кеңейту мақсатында су қауіпсіздігі, табиғат қауіпсіздігі, техника – өрт қауіпсіздігі, жол қауіпсіздігі, денсаулық сақтау ережелерімен таныстырылды. «Құқықбұзушылықтың алдын алу» тақырыбында қаладағы тіркелген фактілермен байланыстырып, ақпараттар берілді. Барлық жауапкершілік ата-анада екендігі түсіндірілді. Оқушының түнде ата-ананың қарауынсыз жүруге болмайтыны, кәмелетке толмаған балалардың кешкі сағат 22.00-ден кейін жұмыс істеуге болмайтыны жайлы ескертілді.
Дәстүр бойынша мұғалім сынып сағатында оқу үшін кітаптар тізімін, сондай-ақ қарауға болатын фильмдер тізімін ұсынады. Қауіпсіздік шараларын, алдын ала жоспарланып ұйымдастырылған демалыстың артықшылықтарын, қосымша білім беру ұйымдарына қатысудың тиімділігін, еңбек етудің пайдасын, ата-анаға, ата-әжелеріне көмектесудің қажеттілігін айтады. «Сынып сағатында негізінен патриотизм, отанды сүю, достық, татулық, ел тарихына, саяси репрессия мен аштық құрбандарының есімдеріне құрмет таныту тақырыптарына басымдық берілген.
18 мыңнан астам мектепке дейінгі, орта білім, техникалық және кәсіптік білім ошақтары биылғы оқу жылын аяқтап отыр. Бұл ұйымдарда осы оқу жылында 5 миллионнан астам оқушы мен тәрбиеленуші білім алды.Техникалық және кәсіби білім беру ұйымдары бойынша қорытынды аттестация 28 маусымға дейін жалғасады. Колледждерді биыл 144 мыңнан астам түлек аяқтайды. Дипломдарды тапсыру салтанатын 28 маусым мен 1 шілде аралығында өткізу ұсынылып отыр.9-сынып бітірушілер үшін қорытынды мектеп бітіру емтихандары 2 маусым мен 13 маусым аралығында өтеді. Ал 11-сынып бітірушілер үшін мемлекеттік емтихандар 5 маусым мен 19 маусым аралығында болады. «Жалпы орта білім беру туралы аттестатты 11-сынып түлектеріне тапсыру салтанатын өз мектептерінің қабырғасында 20-22 маусымда өткізуді ұсынылған.
