Биылғы оқу жылында 6 команда облыстық Ұлттық Мектеп лигасында жүлделі І-орынды иеленіп, республикалық лигаға жолдама алды.
20 сәуір мен 10 мамыр аралығында Павлодар және Астана қалаларында өткен жарыста осы 6 команданың екеуі Республикалық жарыста І-орын алды.
Атап айтқанда, Далабазар жалпы орта мектебінің баскетбол командасы және №62 М.Анартаев атындағы жалпы орта мектебінің футбол командасы.
Ал, Айша бибі атындағы жалпы орта мектебінің футбол командасы ІІ-орын иеленді.
№3 Хамза атындағы жалпы орта мектебінің волейбол командасы мен №42 Фурқат атындағы жалпы орта мектебінің волейбол командасы 19 команданың ішінде 5 орынға тұрақтады.
Бүгін жеңімпаздарды аудан жұртшылығы зор қошеметпен күтіп алды.
Енді маусым айында 5-6 сынып оқушылары арасында Алматы облысында өтетін Республикалық жарысқа Далабазар жалпы орта мектебінің оқушылары спорттың баскетбол түрі бойынша қатысатын болады. Оқу-ағарту министрлігі Ұлттық ғылыми-практикалық дене тәрбиесі орталығының хабарлауынша, aиналдық ойындар Астана қаласы, Алматы және Павлодар облыстарында 5-6, 7-8, 9-11 сыныптар бойынша 31 наурыз бен 6 маусым аралығында топтастырылып өткізілуде.
– Лиганың алғашқы жарыстары елордада 9-11 сынып оқушылары арасында басталған. Жарыстар 8 мамырға дейін жалғасады. 7-8 сыныптар арасындағы Павлодар қаласында өтетін жарыстар 18 сәуір – 8 мамырға жоспарланған. Ал 5-6 сынып оқушылары 15 мамыр – 6 маусым аралығында Алматы облысында мықтыларды анықтайды, – деді орталық директоры Сағдат Садықов.
Ұлттық мектеп лигасы аясында 30 жарыс бойынша республикалық кезеңге бес мың оқушы жолдама жеңіп алған. Мектеп лигасының іріктеу жарыстары республиканың барлық аймағында оқу жылының басынан сәуір айына дейін өтті. 2022-2023 оқу жылында мектепішілік, аудандық, қалалық/облыстық кезеңдерге екі миллионнан астам оқушы қатысқан.
