Қапланбек жоғары аграрлық-техникалық колледжінде, республикалық оқу-әдістемелік бірлестігінің жылдық жоспарына сәйкес «Кәсіби құзіреттер мен дағдылар, болашақ синергиясы» тақырыбындағы республикалық форумы жоғары дәрежеде өтті.
Форумның мақсаты әлемдік білім беру кеңістігімен сабақтастыра отырып, заманауи жабдықтармен жарақтандыру, ғылым мен тәжірибені ұштастырып, халықаралық тәжірибе негізінде еңбек нарығында сұранысқа ие, бәсекеге қабілетті маман даярлау, кәсіби шеберлік конкурстарын ұйымдастыру және жұмысшы мамандықтардың беделін арттыру.
Бұл республикалық деңгейде өткізілген форумға Түркістан облысының адами әлеуетті дамыту басқармасынан Баймуратов Сатжан, «Global САПА» білім беру орталығының директоры Тілектес Шингужинова, Түркістан, Жамбыл, Қызылорда және т.б. облыстардың ТжКББ ұйымдары басшылары, басшы орынбасарлары, арнайы пән оқытушылары, Қапланбек жоғары аграрлық-техникалық колледжінің әлеуметтік серіктестері, сонымен қатар ZOOM платформасы арқылы «Таlap» КЕАҚ, Техникалық және кәсіптік, орта білімнен кейінгі білім берудің мазмұнын модернизациялау басқармасының басшысы Далабаев Жанат Куанышбаевич, Қазақстандағы AgroSkills академиясының ректоры Омаров Манен Ембергеновичтер қатысты.
Республикалық форумды колледж басшысы Шығанов Бағлан Төлтайұлы ашып, форумның маңыздылығын және одан жоғары нәтиже күтетіндігін атап өтті. Бағдарлама бойынша пленарлық отырыста баяндамашылар өз баяндамаларын оқып, қонақтарды колледждің материялдық-техникалық базасымен таныстырды.
Қапланбек жоғары аграрлық-техникалық колледжінің әлеуметтік серіктестері «AGRO TUR» ШҚ, «Бес қара» ЖШС Нәрлен құс фабрикасы, «Қалыбай» ШҚ базасында экскурсия ұйымдастырылды.
Форум соңында қатысушылар бүгінгі өткен іс-шараға өздерінің жылы лебіздерін білдіріп, Баймуратов Сатжан қорытындылап, қатысушыларға арнайы сертификаттар табыстады.
