Түркістан облысы адами әлеуетті дамыту басқармасының «Білім беруді дамыту орталығы» мемлекеттік мекемесінің ұйымдастыруымен жалпы білім беру ұйымдарының мектеп директорларының арасында ойыншылардың бойында азаматтық ұстанымды, өзінің және қоғам алдында өз іс-әрекеттері үшін жауапкершілікті қалыптастыру, елде байқалатын өзекті жағдайларды талдау және жариялы талқылау арқылы шығармашылық және сыни ойлау қабілетін дамыту мақсатында өткізілген «Intellectum DD2» Директорлар дебаты» облыстық турниріне Сайрам ауданының адами әлеуетті дамыту бөлімінің «Оқу-өндірістік комбинаты» коммуналдық мемлекеттік мекемесінің директоры Султанов Сакен Абдиашимович және № 74 жалпы орта мектебінің директоры Игенбаева Динара ханым қатысып, топ арасынан үздік шығып ІІ дәрежелі Дипломға ие болды.
Айта кетсек, дебат- тек зияткерлік ойын емес, , ақпаратты дұрыс талдауға, командамен бірлесіп жұмыс істеуге үйрететін білім беру технологиясы болып саналады.
Бүгінде жастар арасында кең тараған пікірсайыс ойыны соңғы кезде еліміз бойынша жақсы дамуда. Оған дәлел оқушылар мен студенттер арасында әртүрлі деңгейдегі турнирлердің жиі ұйымдастырылуы. Арыс ауданында қолдау лайықты деңгейде болмаса да сайыстардың арасы үзіліп қалмайтындығы қуантады. Дебат ойындарына ерекше көңіл бөліп оқушыларымен қатар мұғалімдері де, тіпті директорларда белсенділік танытып отыр.
Еске салсақ , ақпан айында Түлкібас ауданындағы білім бөліміне қарасты мектеп директорлары арасында білім беру саласындағы, қоғамдағы өзекті мәселелерді талдау және шешу жолдарын қарастыру мақсатында “Intellektum dd2” Директорлар дебаты” турнирі болып өткен еді. Алғашқы рет ұйымдастырылған директорлар дебатында мектеп басшылары Американдық парламенттік формат (АПФ) ойын барысында тез сыни ойлауға, логикалық ойлауға және сараптамалық талдауға негізделгенін баса назарға алды. Аталған іс-шараға аудан бойынша білім беру ұйымдарының басшылары бес қарар бойынша сөз сайысқа түсті. Жеке тұлғаның танымын кеңейтетін, қоғамдық-әлеуметтік маңызды мәселелерді жете талдай алу қабілетін қалыптастыратын пікірсайыс турнирінің жеңімпаздары анықталған болатын.
