Түркістан облысы білім басқармасының жыл қорытындысына келер болсақ, 2021-2022 оқу жылында облыстық, республикалық және халықаралык 35 іс-шара ұйымдастырылды. Оның ішінде білім алушылардың адамгершілік-рухани және зияткерлік әлеуетін қолдау және дамытуға бағытталған облыстық бес, республикалық – 24 және халықаралық деңгейде алты олимпиада, конкурс, көрме-байқаулар және 1 республикалық ғылыми практикалық конференция өтті. Жалпы облыс бойынша 129048 дарынды оқушы түрлі деңгейдегі олимпиадалар, ғылыми жоба конкурстары, турнирлер, байкауларға қатысты, бұл облыс оқушыларының жалпы санының жиырма алты пайызын құрайды.
Балалар жылы аясында облыстық «Тuran-Ваlағеsт» фестивалі ұйымдастырылып «Жас қалам» әдебиет күні іс- шарасына облыстық байқаулардың барлық жеңімпаздары 242 оқушы қатысып, ақын жазушылармен кездесті, шебер-сыныптар ұйымдастырылды. Түркістанда алыс-жақын шетелдегі қазақ диаспорасының балаларына арналған қазақ тілі мен әдебиеті пәні бойынша «Қазақстан-ата жұртым, қасиетім-ана тілім» атты халықаралық олимпиадасы ұйымдастырылып, бес елден 57 қатысушы қатысты.
“Ел үміті” бастамасы аясында жүргізілетін жобалар: Ауыл мектептері оқушылары арасында өтетін «Мың бала» ұлттық олимпиадасына облыс бойынша 32361 оқушы тіркелді, облыстық кезеңге 886 оқушы қатысты, олимпиада қорытындысы бойынша 94 оқушы жеңімпаз деп танылды. Жеңімпаз деп танылған 6-сыныптың 43 оқушысы өңірдегі және республика аумағындағы мамандандырылған мектептерге орналасу үшін конкурска катысуда.
«Елбасы медалі» бағдарламасы бойынша 14-21 жас аралағындағы 850 ден аса жастар жобаға катысып, 1-кезеңде 181 қола, 2-кезеңде 7 қола иеленді. 2022 жылында 1-кезеңде 1 күміс, 78 қола, 2-кезеңде 21 қола, 3-кезеңде 1-алтын, 30 күміс, 145 қола ; 4-кезенде 1-алтын, 22-күміс, 191 қола барлығы иеленді. «Бірге оқу» онлайн мектебінде қала және ауыл жағдайында балалардың білімдік және ақпараттық теңсіздігін қысқарту, балаларды қолдау және дамыту бағытында ауыл мектептерінің 7-8 сынып оқушылары арасында 601 бала қашықтан қосымша білім алды және оқу аяқтағаны туралы сертификат берілді.
