Түркістан облысының адами әлеуетті дамыту басқармасының “Облыстық білім беруді дамыту орталығы”КММ-нің және Сауран ауданы адами әлеуетті дамыту бөлімінің ұйымдастыруымен “Сауран қалашығы. Ашық аспан астындағы шебер сыныптар” тақырында облыстық семинар болып өтті. Семинарға облыс бойынша әдістемелік кабинет әдіскерлері және тарих пәні мұғалімдері қатысты. Семинар мақсаты — зерттеуші-ғалымдарды музей мамандарымен бірлесіп зерттеулер жүргізуге жұмылдыру және еліміздегі әр өңірлік музейлердің қорында сақтаулы мұралардың тарихын ашуға, олардың аймақтық ерекшеліктері, жәдігерлерді қалпына келтіру жұмыстарын жүргізуді қолға алуға үндеу.
Бөлімге қарасты Құмтүйін жалпы орта мектебінің тарих пәні мұғалімі Елғондиева Ардақ, Қос-Қорған жалпы орта мектебінің тарих пәні мұғалімі Басанов Аззамжан өздерінің шебер- сыныптарын көрсетсе, Құмтүйін жалпы орта мектебі және Ы. Алтынсарин атындағы шағын жинақталған жалпы орта мектептерінің оқушылары өздерінің ғылыми жобаларын ұсынды. Облыстық Білім беруді дамыту орталығының тарих пәнінің әдіскері Усенбеков Марат семинар соңында өз пікірлерін қағаз бетіне түсіріп, кері байланыс берді.
Бұл семинар Отырар ауданында жалғасын тапты. Жалпы Отырар ауданында 200-ге жуық тарихи-мәдени ескерткіштер бар. Бүгінгі таңда, құнды ескерткіштерімізді сақтау, қорғау мақсатында Отырар мемлекеттік археологиялық қорық-музейімен тығыз байланыста жұмыстар жүргізілуде. Атап айтар болсақ, әрбір ауыл округтерінің аумағындағы тарихи төбелердің қадағалау мақсатында арнайы қызметкерлер бөлініп, бақылауға алынған.Семинарды қорытындылай келе қатысушылар іс- шараның жоғары деңгейде өткенін атап өтіп Сауран ауданы адами әлеуетті бөліміне алғысын білдірді.
