Облыстық адами әлеуетті дамыту басқармасының «Білім беруді дамыту орталығы» Отырар қалашығында тарих пәні мұғалімдері мен өлкетану үйірме жетекшілеріне арналған «Өлкетану-құндылыққа бағытталған білім» тақырыбында облыстық семинары өтті.Семинарға 17 ауданның әдіскерлері мен тарих пәні мұғалімдері жәнеш өлкетану үйірме жетекшілері қатысты.
Семинардың мақсатын облыстық «Білім беруді дамыту орталығының» тарих пәні әдіскері М.Усенбеков білім алушылардың бойында рухани адамгершілік құндылықтарды қалыптастырудағы өлкетану компонентінің маңыздылығы мен ролін озық тәжірибелер арқылы көрсету, педагогтерге тәжірибелік әдістемелік қолдау көрсету екендігін атап өтті.
Семинардың мақсаты білім алушылардың бойында рухани адамгершілік құндылықтарды қалыптастырудағы өлкетану компонентінің маңыздылығы мен рөлін озық тәжірибелер арқылы көрсету, педагогтерге тәжірибелік-әдістемелік қолдау көрсету. Сонымен қатар білім алушылардың білім сапасын арттыруда, инновациялық жұмыстарын озық педагогикалық тәжірибелерін тарату болып табылады. Мамандардың сөзінше бұл жоба педагогтар музейлер мен тарихи орындарда тарих сабақтарын өткізу бойынша ұсынылған инновациялык жобаларды оқу-тәрбие үдерісінде қолдану арқылы, білім алушылардың бойында туған өлкесіне сүйіспеншілігін, тарихи жәдігерлерді сақтауға құрметтеуге үйретеді екен.
Семинар барысында «Отырар қалашығының» ашық алаңында аудандардан келген білікті мамандар мен ұстаздар тарихи орындарда ашық сабақтар жүргізді, пленарлық отырыстың жалғасы «Сапар орталығында» облыстың әдіскерлері мен тарих пәні мұғалімдері, өлкетану үйірме жетекшілері тәжірибе алмасумен жалғасты.
Тәжірибелік семинарды облыстық «Білім беруді дамыту орталығының» тарих пәні әдіскері М.Усенбеков, аудандық адами әлеуетті дамыту бөлімінің әдіскерлері Е.Қалымбет, Ж.Қалманова қорытынды жасап, «еркін микрофон» арқылы ұсыныстар тыңдалды.
