Сауран ауданы адами әлеуетті дамыту бөліміндегі әдістемелік кабинетінің 2022-2023 жылдық жоспарын негізінде Аманкелді жалпы орта мектебінің базасында әлеуметтік педагогтерге арналған «Әлеуметтік зерттеулер–қоғамдық мәселелер» тақырыбында аудандық семинар өтті.
Семинар «Мен өмірді сүйемін» атты оқушылардың концерттік бағдарламасымен ашылып, әлеуметтік педагог Д.Наурызбаева өткізген «Заманауи қоғамның дамуы» тақырыбындағы коучингпен жалғасын тапты. «Әлеуметтік зерттеулер- қоғамдағы түрлі мәселелер» және «Әлеуметтік желінің пайдасы мен зияны» тақырыптарында пікірлер талқыланды. Кез келген адам үшін XXI ғасырдағы өмірді ғаламтор шырмауынсыз елестету мүмкін емес.
Ғаламтор қазіргі таңда алысты жақын ететін, ат шаптырым жерден хатты жедел түрде жеткізетін ең тиімді қолданыс құралы.Қазір әр адамда ұялы телефон бар. Сол арқылы хат-хабар алмасу деген проблема түбегейлі жойылғандай. Ол аз десеңіз, ақпаратты әлеуметтік желіге жүктеу, электродық почтада алу да қиындық тудырмайды. Әлемнің түкпір түкпірінде болып жатқан оқиғаларды да осы әлеуметтік желіден таба аласыз.леуметтік желілерде біз өзімізді шынайы өмірдегіден басқаша сезінеміз. Интернеттегі байланыс саласын зерттеушілердің сөзіне сүйенсек, әлеуметтік желілерге кіргендердің 70 пайызы өз өмірлерін күшті етіп көрсеткісі келеді. Соның арқасында әлеуметтік желіден бай және табысты болуды көздейді. Нәтижесінде, жасалған виртуалды кескінге үйрену қаупі бар, сондықтан жерге уақытында оралу әрдайым мүмкін емес. Біреу үшін әлеуметтік желілер пайдалы әрекет ету айдыны болса, енді біреулер түкке қажеті жоқ ақпараттарды ақтарып, бос уақытын құр өткізеді. ОСылайша, «Әлеуметтік желінің пайдасы мен зияны» тақырыбындағы пікір ортаға салынды. Айта өтсек, семинарға қатысқан аудан мектептерінен келген 36 педагог әртүрлі жағдаймен танысты.
