Бүгін Сауран ауданы адами әлеуетті дамыту бөліміне қарасты А.Байтұрсынұлы мектебінде облыстық «Білім беруді дамыту орталығының» жоспары негізінде «Ұлттық -рухани құндылықтарды кітап оқыту арқылы өскелең ұрпақтың бойына сіңіру» тақырыбында аймақтық — тәжірибелік семинар өтті.Семинарға білім бөлімдеріне қарасты барлық мектептердің кітапхана меңгерушілері қатысты.
Жас ұрпаққа рухани тәлім-тәрбие беру заманымыздың өткір талабы. Білім беру жүйесінде тәрбие беру ұлттық және рухани негізде үйлестіре жүргізуді қажет етеді. Осыған орай адам тәрбиелеу – адамзаттың ең бірінші аса маңызды қоғамдық қызметі, азаматтық борышы.Ықылым заманда айтылған «Бала тәрбиесі – мемлекеттің маңызды міндеті» деген Платонның сөзі бар. Өйткені ұрпақ тағдыры дегеніміз – қай заманда да ұлт тағдыры.
Әрбір қоғамның дамуына байланысты бұл мәселе әрқалай шешілуде. Бүгінгі тәжірибемізде жастарға адамгершілік-рухани құндылықтардың даму жолдарын айқындап беру өзекті мәселе болып отыр.Еліміздің азаматтары қазіргі заманға сай білімді, мәдениетті, оған қоса адамгершілік, кішіпейілділік, қайырымдылық, шындық, адалдық, үлкендерді құрметтей білу сияқты асыл қасиеттер бала бойына кітап арқылы біртіндеп сіңеді. Баланы кітап оқуға көбірек баулу және пайдалы оқу үшін, ең басты балаларға кітапты сүюге көмектесу керек. Қазіргі балалардың көбінің қиялдары компьютерлік ойындарға ауып кетуіне қарамастан, кітапханашылар мен ата — аналарда, балаларға кітап әлемін сыйлау мүмкіндігі және құқығы қалады. Кітап оқуға үйрету үшін ең алдымен ата — анарға кеңес беру керек. Балаға бір жасынан — ақ кітап ұстатып үйреткен дұрыс. Яғни, ол сәби кезінен бастап кітапты көруге тиіс. Баланы кітапқа қызықтыру үшін суретті, санамақ кітаптардан бастау керек. Үнемі газет — журнал, кітап оқып отырған ата — ананы көрген бала да кітапқа қызығып өседі,- дейді мамандар.
«Білім беруді дамыту орталығының» әдіскері Темірбаева Ақмарал «Ұлттық құндылықтар-әрбір ұлттың болмысы» тақырыбында ақпараттық шолу жасап, кітап оқыту арқылы ұрпақтың санасын көтеруге мұғалімдер мен кітапхана қызметкерлерінің ықпалы жоғары екендігіне тоқталды.
А. Байтұрсынұлы жалпы орта мектебінің кітапхана меңгерушісі Жүсіпова Перизат «Ұлттық- рухани құндылықтарды кітап оқу арқылы жас ұрпақтың бойына сіңіру» жұмыстарына презентация арқылы түсіндірме жұмыстарын көрсете білсе, әдіскер Нұржакиева Жанна «Кітап оқитын адам» тақырыбындағы коучингте кітапханашылардың кері байланысын шебер көрсете білді.
