ICILS -2023 халықаралық компьютерлік және ақпараттық-сауаттылықтың зерттеуіне №49 Қоңыртөбе жалпы орта білім беретін мектебінің 8 сыныптан 20 оқушысы, мектеп директоры және 17 мұғалім қатысып, олардың IT-құзыреттері зерттелді.
Бұл әлемдегі 8-сынып оқушыларының компьютерлік және ақпараттық сауаттылығы деңгейін бағалайтын алғашқы зерттеу. Зерттеудің мақсаты – оқушылардың IT-құзыреттіліктерінің қалыптасу деңгейін бағалау, осылайша мектептегі білім беру оқушыларының IT-құзыреттілігін қалыптастыруға қалай ықпал етеді және IT-дағдыларын дамытуға қандай факторлар әсер етеді деген сұрақтарға жауап беруге көмектеседі.
ICILS зерттеуі толығымен компьютерлік форматта жүргізіледі. Зерттеу шеңберінде оқушылардың компьютерді пайдалануды түсіну принциптерін, ақпарат жинау, ақпараттық өнім және сандық коммуникация құру деңгейі бағаланады. ICILS тапсырмалары бес тақырып аясында құрылған, олардың әрқайсысы академиялық, әлеуметтік немесе экологиялық контекстте әртүрлі аспектілерді қарастырады. Барлық тапсырмалар нақты өмірлік жағдайларға бағытталған.
ICILS-тің негізгі қатысушылары –8-сынып оқушыларының орташа жасы 13,5 жастан аспайтын кейбір елдерде мақсатты топ ретінде 9-сынып алынады. Қазақстанда көрсетілген жас санаты – 8-сынып оқушылары. Сонымен қатар, зерттеу шеңберінде мұғалімдер мен мектеп директорлары, сондай-ақ білім беру ұйымдарының АКТ үйлестірушілері арасында сауалнама жүргізілді.
Зерттеу қорытындысы бойынша компьютерлік және ақпараттық сауаттылықтың даму деңгейі туралы Ұлттық есеп жарияланатын болады.
ICILS нәтижелері елдерге сандық дағдыларды қалыптастыруға ықпал ететін немесе кедергі келтіретін негізгі факторларды анықтауда қажет болатын деректер жиынтығына қол жеткізуге мүмкіндік береді.
Халықаралық зерттеуге қатысқан оқушыларға арнайы сертификаттар табысталатын болады.
ICILS-2023 халықаралық зерттеуінің келесі цикліне қатысушыларға сәттілік тілей отырып, жоғары деңгейге көтерілетіндігімізге сенім білдіреміз.
