Түркістан облысы, Шардара ауданының білім бөліміне қарасты «Ұзыната» жалпы орта мектебінде «Тәжірибе алмасу шеберлікті шыңдау баспалдағы» атты тақырыпта аудандық семинар өтті.
Семинар мақсаты — білім мазмұнын іске асыруда білім алушылардың сабақ үстіндегі іс-әрекетін бақылау, қалыптастырушы бағалауда бағалау үдерісін жүзеге асыру, пән мұғалімдері өзара тәжірибе алмасу болып табылады. Сондай-ақ, білім алушылардың оқуға деген қызығушылығын арттыру, мұғалімдердің бір-бірімен ой бөлісуіне, пікір алмасуына, ынтымақтастық қарым-қатынас орнату.
Химия және биология сабағында оқушыларға функционалдық сауаттылық дағдыларын тапсырмалармен арттырып, өмірде қолдануға ықпал жасау.
Семинар барысында Н.Утемисова мен Г.Искакова 7-10 сыныпқа ашық сабақтар жүргізсе, 12 зертханалық жұмыстарды 8-9 сынып оқушылары («Жанатын көбік», «Индикатор арқылы ортаны анықтау», «Шырпысыз от», «Хамелеон», «Лава тәжірибесі», «Үрленген шар», «Жанар тау», «Жылан тәжірибесі»), 6 практикалық тапсырмалар («Кола мен сүттің ашу процесі», «Банан жасушасынан ДНҚ бөліп алу», «Картоптан қалай крахмал алуға болады?», «Жеміс-жидектер мен көкөністердің құрамындағы С дәруменін анықтау») Р.Оразбаева, Ж.Исмайлова, Г.Аубакирова көрсетсе, мұғалімдер арасында «Химия және биология сабақтарында функционалдық сауаттылық дағдыларын арттыру» тақырыптарында Ш.Толшыбекова, Б. Таңжарова, З.Иманбаева, коучинг, тренинг сабақтар және биологиялық көрме ұйымдастырылып өткізілді. Барлық қатысушы 38 мұғалім ашық сабақтарға кері байланыс жасап, өз ойларын айтып, әдіс алмасып, тәжірибелерімен бөлісті.Практикалық бөлімде мұғалімдер үшін коучинг ұйымдастырылды, ол жемісті өтті. Коучинг барысында алған ақпаратты мұғалімдер өз сабақтарында пайдалана алады.
