Түркістан облысы, Ордабасы ауданы білім ұйымдастыруымен «Темірлан» жалпы орта мектебінде «Теріс пиғылды діни ағым және ұрпақ тәрбиесі» тақырыбында аудандық тәжірибелік семинар өткізілді.
Семинардың мақсаты: мектеп директорының тәрбие ісі жөніндегі орынбасарларының кәсіби шеберлігін жетілдіру, қоғамдық-саяси тұрақтылықты қамтамасыз ету және діни экстермизм және кереғар діни ағымдар мен секталар іс-әрекеттерінің алдын алу.
Семинарды аудандық адами әлеуетті дамыту бөлімінің әдіскері Мұратбек Ұлтусын Құлбекқызы және мектеп директоры Қырыбаев Манап ашып, тәрбие жұмысын жүргізуде үнемі ізденіс керек екенін, оқушылардың бүгінгі күні мінез-құлқының түрліше өзгеріп отыратынын және соған орай, заман талабына сәйкес ата-ана, мектеп, бала арасындағы ынтымақтастықты дұрыс қалыптастыра отырып жоспарлы жұмыс жүргізу керекетігін, ұстаздардың бір-бірінен осындай семинарлар арқылы тәжірибе алмасып, өзекті мәселелерді ортаға салып шешу жолдарын қарастыру, іздеу өмір талабы екенін тілге тиек етіп, Жаңа Қазақстанның жас ұрпағын тәрбиелеуде бірлесіп жұмыс жүргізуге шақырды.
Мектеп директорының тәрбие ісі жөніндегі орынбасарлары Аханова Зүлфия, Саяхова Мөлдір семинарға қатысушыларды оқушылар қолымен жасалған көрмемен және бағдарлама бойынша жүргізілетін жұмыстармен таныстырды. «Темірлан» жалпы орта мектебінің ұстаздары тәрбиенің қызықты формаларымен, әдіс-тәсілдерін ұтымды қолдана отырып тәжірибелік жұмыстарын көрсетті.
Одан өзге, сыныптарда «Жат ағым жарға жығады», «Теріс діни ағымдардың алдын алу», «Дін тәрбие көзі», «Діни сауаттылық-қоғамның негізгі тірегі», «Абайдан асқан діншіл жоқ, Шәкәрім оның жалғасы», «Дін мен салттың сабақтастығы» тақырыптарында дөңгелек үстел, ток-шоу, танымдық сабақ, тәрбие сағаттарын өткізді.
Барлық сабақтарға ата-аналар мен қоғамдық ұйым өкілдері және аудан бойынша 53 жалпы орта мектептің директордың тәрбие ісі жөніндегі орынбасарлары қатысты.
