Жергілікті агрокәсіпорын өнімдері Доха қаласында өтіп жатқан «Агротех Катар-2023» халықаралық көрмесіне қойылды. Наурыздың 19-на дейін жалғасатын халықаралық шараға әлемнің 52 елінен делегациялар шақырылған.
Агроөнеркәсіп кешеніне шетелдік инвестиция тарту, ауылшаруашылығы тауар, ауылшаруашылығы тауар өндірушілерінің экспорттық әлеуеті мен ғылыми мүмкіндіктерін арттыру, 60-тан астам мемлекетпен ынтымақтастық орнату, жаңа инновациялар мен технологияларды енгізу бағытында өтетін көрмеге шымкенттік кәсіпкерлер де қызығушылық танытып, өз өнімдерін көрмеге қойып саудалауды жөн санады. Яғни, жергілікті агроөнеркәсіпорын өнімдері халықаралық көрмесіне қойылды. Кең ауқымды шараға әлемнің 52 елінен делегациялар шақырылған. Шымкент тауарларына арнайы бөлінген «Ontustik onim» павильонында ет, сүт, ұн өнімдерімен қатар, сусындар, консервілер, көкөністер мен жеміс-жидектер саудалануда. Шетелдіктер әсіресе, бал, джем, сыр өнімдеріне қызығушылық танытып, жаппай сатып алуда.
Шымкенттік делегация шет мемлекеттермен әріптестік байланысты нығайту, қаланың экспорттық әлеуетін арттыру, инвестиция тарту, бірлескен жобаларды жүзеге асыру мақсатында мегаполистің агро саласындағы мүмкіндіктерін таныстыруда.
Еске салсақ, жыл басында Азаматтық авиация комитетінің төрағасы Талғат Ластаев Катардың авиация билігінің президенті Мохамед Фалех әл-Хаджри және Катардың Қазақстандағы елшісі Абдулазиз Сұлтан Әл-Румейхимен келіссөз жүргізген еді.
Кездесуде тараптар азаматтық авиация саласындағы екіжақты ынтымақтастық мәселелерін талқылады, оның ішінде: Қазақстан мен Катар арасындағы рейстер санын одан әрі арттыру және ұшу географиясын кеңейту, авиация мамандарын даярлау және олардың біліктілігін арттыру, Қазақстанға Катардан инвестиция тарту мәселесі бар.
«Бүгінгі таңда Qatar Airways әуе компаниясы Доха-Алматы бағыты бойынша аптасына 4 рейс жиілігімен тұрақты жолаушылар рейсін орындайды. Катар тарапының мәліметі бойынша Qatar Airways Нұр-Сұлтан мен Доха қалалары арасында рейстерді жүзеге асыруды жоспарлап отыр», — деп атап өткен болатын индустрия министрлігінің баспасөз қызметі.
Сондай-ақ тараптар Қазақстанның азаматтық авиация саласының өкілдерін даярлау және олардың біліктілігін арттыру туралы келісімге келгені аталып өтті. Сонымен қатар осы жылдың 27 қыркүйегі мен 7 қазаны аралығында өтетін Халықаралық азаматтық авиация ұйымы (ИКАО) Ассамблеясының алдағы 41-сессиясының мәселелері қозғалған-ды.
