2023 жылдың қаңтар айының 23-27 күндері аралығында өткенТүркістан облысы, Түлкібас ауданы, Ер-Жәнібек спорт кешенінде еркін күрестен 2006-2007 ж.т жасөспірімдер және 2008-2009 ж.т кіші жасөспірімдер арасындағы Түркістан облысының чемпионаты өз мәресіне жетті.
Түркістан облысының барлық аудандарынан жалпы 32 командадан 500-ге жуық жасөспірім спортшылар қатысқан чемпионатқа, Жетісай аудандық №2 балалар мен жасөспірімдер спорт мектебінің бір топ спортшылары қатысып келді. Жоғары дәрежеде ұйымдастырылған облыстық чемпионаттың негізгі мақсаты, 2023 жылдың наурыз айының 2-8 күндері аралығында, Жетісу облысы Талдықорған қаласында өтетін Қазақстан Республикасының чемпионатына іріктеу болып табылады.
Облыстық чемпионаттың 2008-2009 ж.т жасөспірімдер арасында өткен жарыстарда ауданымыздың жас палуандары жақсы нәтижелер көрсетіп, ауданымызға алғашқы жүлделі орындарын тарту етті.
Чемпионаттың қортындысы бойынша жүлделі орындарға:
І-орын Наров Нұртай 62 кг салмақ дәрежесіндегі спортшы, І-орын Шардарбек Абылайхан 110 кг салмақ дәрежесіндегі спортшы, ІІІ-орынға Үсен Ерасыл 110 кг салмақ дәрежесіндегі спортшылар қол жеткізіп жеңімпаз атанса, 2006-2007 жылы туылғандар жасөспірімдер арасындағы жарыстарда жүлделі ІІ-орынға Бужикеев Нұрқанат 60 кг салмақ дәрежесіндегі спортшы қол жеткізіп жеңімпаз атанды.
Облыстық чемпионаттың боз кілемінде спорттық шеберліктерін күрсетіп, алғашқы жеңімпаздар атанған Наров Нұртай мен Шардарбек Абылайхан Қазақстан Республикасының чемпионатына Түркістан облысының құрама командасының атынан қатысады. Жеңімпаз спортшыларымыздың жаттықтырушылары Ерсін Аққұлы мен Жоламан Сембек. Жеңімпаз спортшыларды құттықтаймыз!
