Бүгін Бәйдібек ауданында Қазақстан Республикасының кейбір заңнамалық актілеріне агроөнеркәсіптік кешенді реттеу мәселелері бойынша заңнамалардың тиісті нормаларына түсіндірме жасау жөнінде семинар — кеңес өтті.
Семинар кеңеске ауданы әкімінің орынбасары Бақыт Қырғызалиев төрағалық етіп, жүргізіп отырды.
Күн тәртібіндегі мәселелер бойынша Өсімдіктер карантинінің негізгі міндеттерін, ҚР «Өсімдіктер карантині туралы» Заңының 1999 жылғы 11 ақпандағы Қазақстан Республикасының Заңының (өзгерістерімен толықтыруларын қоса) негізгі нормаларын түсіндіріп, 2023 жылы аудан, қала аумағында зиянкестерге, ауруларға, арамшөптерге қарсы химиялық өңдеу жұмыстарының болжамдалынған көлемі туралы «Өсімдіктерді қорғау туралы» 2002 жылғы 3-шілдедегі Қазақстан Республикасының Заңының (өзгерістері мен толықтыруларын қоса) негізгі нормаларын түсіндіру туралы Түркістан облыстық аумақтық инспекциясының өсімдіктерді қорғау жөніндегі мемлекеттік инспекция бөлімінің басшысы М.Күренбаев, Қазақстан Республикасының «Асыл тұқымды мал шаруашылығы туралы» Заң талаптарын түсіндіру үшін, өсімдіктерді қорғау жөніндегі мемлекеттік инспекция бөлімінің маманы Қ.Байдалиев және аудан аумағындағы фитосанитариялық ахуал, аса қауіпті зиянкестер мен аурулардың алдын алу бойынша Бәйдібек аудандық болжамдар әдістемелік орталығының филиал басшысы Е.Жанболатов баяндама жасады.
Кеңесте аудандық кәсіпкерлік және ауыл шаруашылығы бөлімінің басшысы К.Ахметов, Облыстық кәсіпкерлер палатасы Бәйдібек аудандық филиалының директоры С.Спабеков бірқатар сұрақтар қойып, пікірлерін білдірді.
Семинарды Түркістан облыстық аумақтық инспекция басшысының орынбасары Б.Мұзаппаров қорытындылады.
Жиынға аудандық кәсіпкерлік, ауыл шаруашылығы бөлімінің, аудандық аумақтық инспекцияның басшылары мен мамандары, ауылдық округі әкімдері мен жауапты мамандары және шаруа қожалықтарының төрағалары қатысты.
