Қазақ әдебиетінің классик жазушысы, көркем сөздің хас шебері атанған Ғабиден Мұстафиннің туғанына биыл 120 жыл толып отыр. Қаншама уақыт өтсе де бүгінгі ұрпақ ғұлама жазушыны ешқашан ұмытпақ емес. Осы орайда, Шәмші Қалдаяқов атындағы ЖОББМ кітапханасында Ғабиден Мұстафиннің 120 жылдығына арналған «Ұлдарға өсиет, қыздарға кеңес» атты іс-шара өткізілді. Іс-шараның мақсаты-Ғабиден Мұстафиннің өмірі мен шығармашылығымен таныстыру, жазушының шығармалары арқылы жас ұрпақты отансүйгіштікке, шыншылдыққа,адалдыққа тәрбиелеу. Жастарды қазақ әдебиетінің классиктерінің шығармаларымен таныстыру арқылы кітап оқуға шақыру мен рухани жағынан байыту болып табылады.
Көркем сөздің хас шебері Ғабиден Мұстафин 1902 жылы 29 қарашада Қарағанды облысының Бұқар жырау ауданында дүниеге келген.
Оның шығармалары ХХ ғасырдың жарқын әдеби мұрасына айналған.Жазушы өзінің 25 жылдық шығармашылық қызметінде роман,пьеса, көптеген әңгімелер мен очерктерді дүнмиеге әкелді. Бүгінгі іс шарада оның «Қадірлі қонақ» шығармасынан шағын үзінді оқылды. Кеш қонақтары Ғабиден Мұсатафин жайлы баяндамаларын оқып, ортаға салды. Әдеби шарада оқушылар өздерінің ойларын ортаға тастады. Сондай-ақ, мектеп кітапханашылары М.Мұсаева мен Р.Абдуллаевалар Ғабидин Мустафиннің120 жылдығына арналған көрме ұйымдастырды.
Саналы ғұмырын қазақ әдебиетінің өркендеуіне, қазақ прозасының кең тыныстауына арнаған ұлы тұлға артына көп еңбек қалдырды. Елеусіз қалған бірі де жоқ. Сол кездегі тұрмыс халін арқау ете отырып роман саласында тақырып байытты. Замандастарынан көші ілгері жүрген қаламгер проза саласына қаламының сиясын аяған жоқ. Содан болар, оның шығармалары оқырман қолынан түспеді. Қазақтың біртуар жазушысы өз еңбектерімен соңына өлшеусіз із қалдырып үлгерді. Ғұлама жазушының Қазақ кеңес әдебиетін дамытудағы және қоғамдық қызметіндегі қол жеткен жетістіктері белсенділігі, іскерлігі ескерусіз қалған жоқ. Ол «Ленин» орденімен, «Еңбек Қызыл Ту» және екінші дәрежелі «Ұлы Отан соғысы» орденімен марапатталған.
