Президент тапсырмасына сәйкес еліміздің барлық аймағында «Цифрлық Қазақстан» бағдарламасын сәтті жүзеге асыру жалғасуда. Бүгінде еліміздің барлық өңірлерінде аталмыш бағдарлама бойынша табысты жұмыс жүргізіліп келеді. Облыста «Цифрлық Қазақстан» мемлекеттік бағдарламасы аясында цифрландыру 5 негізгі бағыт – тұрғын үй-коммуналдық шаруашылық, көлік, білім беру, денсаулық сақтау, қоғамдық қауіпсіздік және қосымша 6 бағыт бойынша жүзеге асуда.Солардың бірі тұрғын үй-коммуналдық шаруашылық саласын цифрландырудағы – «Iqala» жобасы.
үркістан облысының геопортал базасында тұрғын үй-коммуналдық саласындағы Түркістан облысының 30-дан астам табиғи монополия субьектілерінің 250-ден астам қызметін біріктіретін «I-Qala» цифрлық коммуникация сервисі құрылды.
«Iqala» қала тұрғындарына қызметтерді онлайн алуға көмектеседі. Жоба тұрғын үй-коммуналдық шаруашылық саласының қызметтерін «бір терезе» қағидаты бойынша біріктіреді. Жеке және заңды тұлғалар үйден шықпай-ақ қызметке өтінім бере алады. Бұл бір реттік өтінішпен бірнеше қызмет алуға мүмкіндік береді. Құжаттар қысқа мерзімде тапсырылып, өтінімнің мәртебесін бақылау, құжаттарды сақтау секілді қызметтер цифрландырылады.
Сонымен қатар, сервис арқылы жеке және заңды тұлғалар, сондай-ақ Түркістан облысының жеке кәсіпкерлері дербес шот ашуға, анықтама, техникалық шарт, су, электр, жылумен жабдықтау және су бұру секілді қызметтерге шарт жасауға өтінім бере алады. Тұрғындар электрондық цифрлық қолтаңба немесе СМС арқылы өтінім беріп, қажетті қызмет түрін таңдап, мәліметтерді толтыру және өтінімді жіберу жеткілікті. Аталған жүйе қолданушыларға үйден шықпай қызмет алумен қатар, өз өтінішінің орындалуын онлайн режимде бақылау арқылы қызмет көрсету процессінің ашықтығына қол жеткізе алады.
Қазіргі таңда Кентау қала тұрғындары мемлекеттік және мемлекеттік емес қызметтерді көрсететін: «Ащысай Су» МКК, «Энергопоток» ЖШС, «Оңтүстік Жарық Транзит» ЖШС, «Alemline» ЖШС, «Дидар-2030» (AlemTV) ЖШС мекемелерінің қызметтерін ikentau.kz интернет-порталы арқылы онлайн режимінде ала алады.
Осылайша, жоба төңірегінде кәсіпкерлік субъектілерін қоса алғанда, жеке және заңды тұлғалар үшін қызмет алудың ыңғайлы және жылдам тәсілін ұсына отырып, «тұрмыстық сыбайлас жемқорлық» тәуекелдерін және әкімшілік кедергілерді жою арқылы бизнесті жүргізу мен дамыту үшін қолайлы жағдай жасауға мүмкіндік береді.
