Түркістан облысы қоғамдық даму басқармасының «Жастар ресурстық орталығы» КММ-нің ұйымдастыруымен Түркістан қаласында NEET санатындағы жастарды қолдау мақсатында «EVENING SPORT» жобасы аясында спорттың кіші футбол және волейбол түрлерінен жарыс өтті.
Сайыстың ашылу салтанатында Түркістан облыстық «Жастар ресурстық орталығы»КММ- нің басшысы Төлебаев Ерасыл Әшірбайұлы аудан, қаладан келген жастарға сәттілік тіледі.Спорттың екі түрінен өткен облыстық турнир нәтижесі бойынша: Кіші Футбол жарысынан Мақтаарал ауданы I орын (200 000 тг) Волейбол жарысынан II орын — Мақтаарал ауданы (150 000 тг). Турнир соңында Түркістан облыстық Жастар ресурстық орталығының басшысы Төлебаев Ерасыл Әшірбайұлы жеңімпаздарды құттықтай отырып, дипломдар мен қаржылай сыйлықтарды табыстады.
Халқымыз ежелден денсаулықтың қадірін жете түсініп, оны басты байлыққа балаған. Осы тұрғыдан алатын болсақ, Түркістан облысында 2021 жылы дене шынықтырумен және спортпен шұғылданатын азаматтар саны артып, көрсеткіш 718 004 адамды құраған еді. Бұл халық санының 34,59%. Ал 2022 жылы бұл көрсеткіш қырық пайызға жуықтаған. Ал 2025 жылға дене шынықтырумен және спортпен шұғылданушылардың санын 50 пайызға жеткізу жоспарын алға қойып отырмыз. Жалпы алғанда, облыс тұрғындарының спортқа ден қойып, көрсеткіштің жылдан жылға өсіп отырғаны қуанарлық жәйт. Оған Мақтаарал ауданында атқарылып жатқан жұмыстар да сеп болып отыр.Жалпы спортшыларды ынталандырудың бірнеше жолдарын айтуға болады. Спортшыларды ең бастысы жаттығу жасайтын орындарын, спорттық құрал-жабдықтармен, спорттық киімдермен қамтамасыз ету керек. Сонымен қатар облыс құрамасына еніп, әрі қарай ұлттық құрамаға енген спортшыларға спорттық нәтижесіне қарай облыс әкімдігінің қаулысына сәйкес жоғарғы жетістікке жеткен спортшыларға және жаттықтырушыларына ай сайынғы ақшалай жабдықталым (стипендия) төленеді. Спортшыларды ынталандыру жолында жаттықтырушының да алатын орны ерекше. Сондықтан жаттықтырушылар оқу-жаттығу және жарыс барысында спортшылармен бірге барып жеке жаттығу жұмыстарын жүргізуге көңіл бөледі.
