Сайрам ауданы орталығындағы Қ.Жандарбеков атындағы аудандық мәдениет үйінде марапаттау рәсімі өтті. Ауданның мәдениет, тілдерді дамыту, спорт және дене шынықтыру бөліміне қарасты Тілдер орталығы, аудандық орталықтандырылған кітапханалар, балалар және жасөспірімдер спорт мектебінің басшылары мен қызметкерлерін Жаңа жыл мерекесімен құттықтап, марапаттау үшін аудан әкімінің орынбасары Мадияр Оразалиев арнайы барды.
Мадияр Мұхтарұлы өз сөзінде қоғамға аталған салалардың барлығы қажет екенін, олармен өсіп өнетінін тілге тиек етті. Ауданның мәдениет және спорт салаларын дамыту, тіл саясатын насихаттау, көркем ой туындыларын халыққа таныстыру жолында қомақты үлес қосып келе жатқан бірқатар қызметкерге алғысын жеткізе отырып, қажырлы еңбектері үшін құрмет көрсетті.
Атап айтқанда, аудандық мәдениет үйінің еден жуушысы Гуламова Халида Наркуловна, аудандық мәдениет үйінің «Ибрагимовтар жанұялық ансамблінің» жетекшісі Ибрагимова Дана Оразхожақызы, мәдени тынығы уақытын ұйымдастыру бөлімінің меңгерушісі Саурова Нұрсұлу Дауманқызы, халық шығармашылығын дамыту бөлімінің меңгерушісі Төкенова Гаухар Сабыржанқызы, мәдениет үйі директорының орынбасары Шамаханова Баян Нұрмаханқызы, аудандық орталықтандырылған кітапханалар мекемесіндегі оқырмандарға қызмет көрсету бөлімінің меңгерушісі Артыкова Умида Ташалиевна, тілдерді оқыту және дамыту орталығының бас есепшісі Байділдаева Ольга Фаридовна, спорт секторының жаттықтырушысы Сапарбаев Нұрбол Мұстафаұлы, спорт секторының меңгерушісі Юлдашев Захиджан Неъматжанович, спорт секторының жаттықтырушысы Ералиев Қайрат Кұттыбайұлы, спорт секторының жаттықтырушысы Сарсекулов Роман Ордалыұлыларына аудан әкімі атынан мақтау қағаздары, гүл шоқтары және сыйлықтар табыс етілді.
Марапаттау соңында ұжымның атынан бөлім басшысы Мади Нурлыбаев аудан әкімдігіне ризашылығын білдірді.
