Сайрам ауданында ауыл шаруашылығы тауарларын өндіретін агроқұрылымдардың басшылары мен қызметкерлеріне түрлі деңгейдегі марапаттар тапсырылды. Шараға аудандық кәсіпкерлік және ауыл шаруашылығы бөлімінің басшысы Ерболат Серікбаев және қызметкерлері қатысты.Марапаттау рәсімін аудан әкімінің орынбасары Шузратулла Азатуллаұлы жүргізді. Алдымен жыл қорытындысымен аграрлық саладаға қосып отырған айрықша еңбектері үшін алғысын білдірді. Сайрам ауданы жыл сайын облыс көлемінде аталған сала бойынша жоғары көрсеткіштерді иеленіп, өнім көлемі артып, сапасы жақсарып отырғанын тілге тиек етті. Айта өтсек, бизнестің әлеуметтік жауапкершілігі жөніндегі «ПАРЫЗ 2022» республикалық конкурсына қатысқаны үшін «Айкан» ЖШС-і және «Туламетов» ЖК Қазақстан Республикасының Еңбек және халықты әлеуметтік қорғау министрінің алғыс хатымен марапатталды.
Ал Түркістан облысының әкімі Дархан Сатыбалдының алғыс хаты жеке кәсіпкер Бакир Байрамовичке табыс етілді. Кейінгі кезекте сүт, ет өндіру, көкөніс және жеміс өсіру, бір жерден екі өнім алу бағытындағы белсенді шаруалар аталды. Аудан әкімінің марапаты жалғасып, «Нұр Көл» ЖШС-нің агрономы Еркебаев Едіген Кұрманбайұлы, «Нышанбек» ӨК-нің төрайымы Мырзабаева Хадиша Сайлаубайқызы, «О.Құрбанов и К» атындағы ӨК-нің механизаторы Бегенов Халмурод Элмурадович, «Манкент-1» ӨК-нің бригада жетекшісі Розакулов Нематулла Эргашевич- «Ет Агро Манкент» АШӨК-нің төрағасы Ирсалиев Фаррух Нуралиевич, ЖК «Аят» технологы Шамсуддинов Рустам Закиряевич, «Асан» ШҚ-ның басшысы Потеряев Антон, «Асылжан и К» ЖШС-нің директоры Үсенов Абай Ибрайұлы, ЖК «Комилов» мал сою бекетінің басшысы Камилов Ирискул Дехканович секілді жалпы 30-ға жуық еңбеккерлер болды.
Тынымсыз еңбектің арқасында бүгінде ауыл шаруашылығы және кәсіпкерлік саласы жетіліп, өз кезегінде аудан экономикасының дамуына оң септігін тигізуде.
