Испанияның Ла-Нусия қаласында өтіп жатқан бокстан жастар арасындағы Әлем чемпионатында шымкенттік былғары қолғап шебері Элина Базарова 54 кг. салмақ дәрежесінде жеңіске жетіп, әлем чемпионы атанды. Ғаламат өнер көсеткен жерлесіміз бірінші кездесуінде Венгрия елінің боксшысын жеңді. Бұдан соң, Жапония, Индия,Голландия финалда Германия құрамасының былғары қолғап шеберін қапы қалдырды. Нағыз талантты спортшы Әбдімұса Қуатбеков атындағы Халықтар достығы университетінің, дене шынықтыру және спорт мамандығы бойынша 2 курста оқиды. Осы ғаламат жеңісімен,оны лайықты тұрғыда дайындаған Әлібек Нұртаев басқаратын қалалық олимпиадаға дайындау орталығының ұжымына, Әбдімұса Қуатбеков атындағы халықтар достығы университетінің ректоры м.ғ.д профессор Түркістан облысы мәслихатының депутаты Қуатбекова Рабиға Әбдімұсақызына, қалалық дене шынықтыру және спорт басқармасының басшысы Бауыржан Тұманбаев мырзаға алғыс білдіреміз.
Айта кетейік, бокстан жастар арасында өтіп жатқан әлем чемпионатында жартылай финалда шаршы алаңға көтерілген Қазақстан құрамасының 7 боксшысы төртеуі финалға жолдама алса, үшеуі әлем чемпионатының қола жүлдегерлері атанды.
66 келідегі Бақыт Сейдіш француз Майлис Ричлді үш рет нокдаунға жіберіп, кездесуді мерзімінен бұрын аяқтаса, 54 келідегі Элина Базарова нидерландық боксшы Мария Верхеймді ұтып, финалға шықты. Финалда жеңіске жетіп, әлем чепионы атанды.
Жартылай финалда өнер көрсеткен екі жігітіміздің екеуі де қарсыластарынан басым түсті. Алдымен 67 келідегі Нұрбек Мұрсал ирландиялық Джеймс Френсисті 3:2 есебімен ұтса, 75 келідегі Дәулет Төлемісов Бельгия өкілі Хаджит Ноаны 5:0 есебімен таза жеңді.
Өкінішке қарай, Әсел Тоқтасын (+81 келі). Әсем Таңатар (63 келі) және Гүлназ Бөрібаева (48 келі) Үндістан боксшыларына есе жіберіп, әлем чемпионатының қола жүлдесіне ие болды. Байрақты бәсеке 26 қараша күні өз мәресіне жетеді.
