Түлектерінің 75 пайызы тұрықты жұмыспен қамтылған. Шәкірттері теориялық білімді сіңіріп, практикалық тәжірбиеге төселеді. Бұл Сайрам ауданындағы Дінмұхамед Қонаев атындағы аграрлық техникалық колледжі. Жұмыс берушілер күні қарсаңында білім ұясында «Ауыл шаруашылығын механикаландыру» мамандығы бойынша «Жас маман» ресурстық құзыреттілік орталығы ашылды.
Іс-шараға аудандық кәсіпкерлер палатасы, аудандық жұмыспен қамыту орталығы, ЖШС «Гаухар» тігін фабрикасы, ӨК «Алишер Науи» төрағасы, ЖК «Адахамов», «Құдаберген»ШҚ басшылары қатысты. Жұмыс берушілер Оқу-ағарту министрлігінің алғыс хаттарымен және Түркістан облысының адами әлеуетті дамыту басқармасының алғыс хаттарымен марапатталды. Бұл өндіріс орындарының өкілдері колледжбен тұрақты байланыста жұмыс істеп жүр.
Атаулы күнде «Ауыл шаруашылығын механикаландыру» мамандығы бойынша «Жас маман» ресурстық құзыреттілік орталығының ашылу салтанаты өтті. Құзыреттілік орталықтар құрудағы мақсат: Техникалық және кәсіптік білім беру ұйымдарында мамандар даярлауда әлемдік және отандық ғылымдағы инновациялық жаңалықтар мен жетістіктерді,олардың өндіріс орындарында қолдану жағдайы мен тиімділігі, осыған орай орта және жұмысшы мамандарды даярлаудың сапасын арттыру.
Колледж бұл күнде Манкент шипажайының еншісіндегі жерді игеріп отыр. Оларға агротехникалық қызмет көрсетуде. Сонымен қатар екеуара меморандум жасалған кәсіпкерлермен бірлесіп жұмыс атқаруда. Ынтымақтастық арқасында өткен жылы оқу орнын тамамдаған 195 студенттің 157 –і тұрақты жұмыспен қамтылған.
Айта кетейік, Жастар жылының іске асырылу барысын талдау қорытындысына сәйкес мемлекеттік жастар саясатын одан әрі жетілдіруге арналған жаңа бағыттар әзірленге еді. Нақтырақ айтқанда, 2021 жылғы жоспарлы бюджетке түзетулер енгізіліп, осыған сәйкес бөлінген қаражаттың кемінде жартысы жастарға арналған қолжетімді жалға берілетін тұрғын үй салуға және оны еңбекпен қамтуды қамтамасыз етуге бағытталды. Сондай-ақ, Мемлекет басшысының тапсырмасына сәйкес жастар саясаты аясында ұйымдастыру іс-шараларының саны мен баспа өнімдерін шығару он есеге қысқартылды. Оған қоса, жастар саясаты шараларын қамтуға арналған жиынтық шығыны 500 мың теңгеге дейін жеткізілді.
