Кентау қалалық «Жастар ресурстық орталығының» ұйымдастыруымен 2022 жылғы 25 қазан Республика күніне орай колледж арасында «Менің арманымдағы Қазақстан» тақырыбында эссе байқауы өткізілді. Студенттер өз арманындағы Қазақстан туралы, болашақты елестетіп, өз арман қиялдарын қағаз бетіне түсірді. Байқау соңында үздік жұмыстар бағаланып алғыс хаттармен, сыйлықтармен марапатталды.
Мақсаты: Жастарды адамгершілікке, Отанына, халқына адал қызмет етуге, ел рәміздерін қастерлеуге, халқының тегі мен тарихын білуге, ғасырлар бойы аңсаған тәуелсіздіктің тұғырын берік ұстауға, нағыз ұлтжанды, рухы мықты азаматтық қасиеттерді дәріптеуге тәрбиелеу.
Эссені үздік орындаған студенттер Абдиев Жандос (Арнаулы кәсіптік колледж) , Жетпісбай Арайлым (Кентау гуманитарлық-техникалық колледж), Асилбекова Қарлығаш (Кентау колледж) үздік алғыс хаттымен және эссе байқауына қатысқаны үшін қалған студенттерде алғыс хаттармен марапатталынды.
Еске салсақ, Ұлттық мереке – 25 қазан Республика күні қарсаңында Ғылым және жоғары білім министрлігінің бастамасымен «Менің арманымдағы Қазақстан» тақырыбына эссе жазудан байқау жарияланған еді. Конкурс жастардың азаматтық ұстанымын қалыптастыруға, мемлекеттің жарқын болашағына деген сенімін арттыруға бағытталған. Байқауға студенттер, магистранттар және қоғамдық жастар ұйымдары қатысты. Эссе байқауына автордың Қазақстанның болашағы мен оның қалыптастырудағы көзқарасын көрсететін өз бетінше орындалған шығармашылық жұмыстар жіберілді. Конкурстық жұмысты қазақ, орыс немесе ағылшын тілінде орындауға мүмкіндік болды. Байқаудың екінші кезеңіне қатысушыларды марапаттау Астана қаласында өтеді.
