Теріскейдің индустриалды аймағында «Дархан-Ас» ӨК-нде «Йодталған ас тұзын шығаратын зауыт» іске қосылған болатын. Былтырғы жылдың қараша айында іске қосылған зауытта бүгінгі дейін 1000 тонна өнім өндіріліп, өңіріміз бен көрші облыстарды ас тұзымен қамтамасыз етуде. Өңірді тұзбен ғана емес жергілікті 14 тұрғынды жұмыспенде қамтыған зауыт жылына 9-10 мың тоннаға дейін тұз өндіріп, облыстың тұзға деген 100 мың тонналық сұранысының 10 пайызын қамтамасыз етуге қауқарлы.
Жергілікті кеннен алынатын тұз алдымен кәсіпорынға жиналып, жуылады, сосын йодталып, өңделеді. Өнім 100 пайыз өңделген соң ғана тұтынушыға жеткізіледі. Зауытқа қарапайым жұмысшы болып орналасқан Серғали Туғанбаев кәсіпорын ашылғалы осында істейді. Оның міндеті – тұздың тауарлық түрін сақтап, дайын өнімді арнайы қаптамаларға орап береді.
Серғали Туғанбаев, жұмысшы: «Сегіз сағат жұмыс істейміз, күніне 5 тонна тұза шығарамыз. Жалақымыз 50-60 мың теңгенің төңірегінде.»
Мұрат Сапаров, кәсіпкер: «Қызылордада тарихы 90 жылдық кәсіпорын бар. Біздің тауардың ерекшелігі сапасында. Тұзды алдымен тазартып алып, кептіреміз, автоматтандырылған қондырғыда өңдейміз.»
Кенді өлкенің байлығын тиімді пайдаланып отырған теріскейліктердің өндіріп отырған ас тұзына бүгінде сұраныс зор. Әу баста тек аудан жұртшылығын қажетті өніммен қамтып келген кәсіпкерлер бүгінде тауарды өзге аудандарға да тасымалдауда. Енді Созақтың ас тұзына көршілес облыстардың да сұранысы артып жатыр дейді іскерлер.
Тұз өңдеу цехінің директоры Мұрат Сапаров мырзаның айтуынша, зауыт толықтай автоматтандырылған, яғни бір түймемен басқарылады. Сағатына 5 тоннаға дейін өңделген ас тұзын шығаратын нысан жұмысшылары шикізатты ауданның Тасты ауыл округіндегі «Бақыт таңы» тұз кенінен алады. «Бизнестің жол картасы 2020» бағдарламасы аясында 6 пайызбен 70 млн. теңге несие алған өндірістік кооператив басшылығы бүгінге дейін қарызының 30 пайызын қайтарып үлгерген көрінеді. Цехта 1, 5, және 10 келілік ас тұздары қапталып, буылады.
Теріскейдің индустриялық аймағында «Дархан-Ас» өндіріс кооперативінде «Йодталған ас тұзын шығаратын зауыт» жұмыс істейді. 2016 жылдың қараша айында іске қосылған зауытта бүгінге дейін 1000 тонна өнім өндіріліп, өңіріміз бен көрші облыстарға жіберілді. Бұл жөнінде Түркістан облысы әкімі баспасөз қызметі ұйымдастырған Созақ ауданындағы пресс-турда белгілі болды. Жергілікті 14 тұрғынды жұмыспен қамтыған зауыт жылына 9-10 мың тоннаға дейін тұз өндіріп, облыстың тұзға деген 100 мың тонналық сұранысының 10 пайызын қамтамасыз етуге қауқарлы. Тұз өңдеу цехының басшысы Мұрат Сапаровтың айтуынша, зауыт толықтай автоматтандырылған, бір түймемен басқарылады. Сағатына 5 тоннаға дейін өңделген ас тұзын шығаратын нысан жұмысшылары шикізатты ауданның Тасты ауыл округіндегі «Бақыт таңы» тұз кенінен алады. «Бизнестің жол картасы 2020» бағдарламасы аясында 6 пайызбен 70 млн теңге несие алған өндірістік кооператив бүгінге дейін қарызының 30 пайызын жауып үлгерген. Цехта 1, 5, және 10 келілік ас тұзы қапталып, буылады.
Өндіріске қажетті шикізат «Тасты» тұз кенінен әкелінеді. Өңдеу процесі кезінде шикізат алдымен жуылып, тазартылады. Содан соң кептіріледі. Йодталады. Дайын өнім тұтынушыға ыңғайлы болуы үшін салмағына қарай әртүрлі қалталарға салынады.
