Бала сүйе алмай жүргендер «Аңсаған сәби» бағдарламасынан үмітті. Қазақстанда әр алтыншы ата-ана бала сүю бақытына зәру. Бұрын бедеулік дерті әйел адамдарда көп тіркелсе, қазір ер азаматтар да белсіздік белең алды. Дегенмен дерттің дауасы жоқ, емес бар. Жасанды ұрықтандыру әдісін қолдануға соңғы жылдары мемлекет квота бөле бастады. «Аңсаған сәби» бағдарламасының шарапатын түркістандық отбасылар да көруде. Мәселен өткен жылдың өзінде аймақтағы 100-ден аса жанұя эко арқылы балалы болған.
2021 жылы бастау алған Аңсаған сәби бағдарламасы арқылы елімізде 2,5 мыңдай бала дүниеге келді. Ал Түркістан облысында 100ден аса жұп ата-ана атанды. Бүгін де көріп тұрғанымыздай аңсаған сәбиін бауырына басуды армандаған жандардың қарасы қалың.
24 жастағы Балауса Қуаныш тұрмыс құрғаныма 2 жылдан асты. Алайда әлі күнге дейін сәби сүю бақыты бұйырмады,- деп отыр. Үмітін бір сәтке де үзбеген келіншек «Аңсаған сәби» бағдарламасына қатысуды жөн көріпті. «Бағдарлама біз секілді балалы болғысы келетін ерлі-зайыптылар үшін үлкен мүмкіндік», — дейді ол.
Бүгін сәбиін аңсаған жандарға тегін кеңес беру үшін Түркістанға елімізге танымал репродуктолог Салтанат Байқошқарова арнайы келді. Маманның айтуынша елімізде әрбір 6-шы жанұяның бала сүю мүмкіншілігі жоқ. Оған себеп: Статистикалық көрсеткіштерге сүйенсек бала сүйе алмау-еліміздегі ажырасулардың 20 пайызының басты себебі. Сондықтан елімізде нәрестелі болуға үміт сыйлайтын 26 ұрықтандыру орталығы жұмыс істеуде. Солардың бірі Түркістан қаласында орналасқан. Өткен жылдың ақпан айында ашылған бұл орталықта бүгінде 200-ден аса келіншек ем алуда.
«Аңсаған сәби» бағдарламасы еліміздегі әрбір үшінші әйел ұрпақ сүю бақытын сыйлауда. Биыл аталған мақсатқа мемлекеттік бюджеттен 3,2 млрд теңгеден астам қаржы қарастырылған. Еске салсақ, аталған бағдарлама Мемлекет басшысы Қасым — Жомарт Тоқаевтың тапсырмасы бойынша 2021 жылы жүзеге аса бастады. Бағдарлама 2021 жылдан бастап 2026 жылға дейін жыл сайын 7000 квота бөлуді көздейді.
