Түркістан облысы, Сарыағаш ауданында жаңа спорт алаңшасы пайдалануға берілді. Сарыағаш ауданының әкімі Мұхит Отаршиев Құркелес ауылдық округі Нұрлы жол елді мекеніне арнайы барып, заманауи үлгіде бой көтерген спорт алаңшаның ашылу салтанатына қатысып, ауыл тұрғындарын құттықтады.
– Жыл сайын спортпен шұғылданатын жастар саны артуда. Жастайынан денесі шымыр болып өскен баланың денсаулығы да мықты болады. Ал дені сау ұрпақ – мемлекет келешегі. Осы орайда спорт алаңының пайдалануға берілуіне атсалысқан ауыл ақсақалдарына және мердігер мекемеге алғысымды білдіремін. Осыдан кейін ауыл тұрғындарының спортқа қызығушылығы арта түсетініне сенімдімін! – деді аудан басшысы.
Айта кетсек, аталған спорт алаңшасы аудандық бюджет есебінен салынды. Жалпы ауданы 0,30 гектарды құрайтын спорт алаңшасында футбол алаңы бар, сонымен қатар Workout-пен (жаттығу алаңшасымен) жабдықталған. Жарықшамдар орнатылып, орындықтар қойылған.
Осыған дейін, Сарыағаш ауданына қарасты Дарбаза ауылдық округінде спорттық нысандардың санын арттырып, жастарды спортқа баулу мақсатында заманауи спорт алаңшасы бой көтерді.
Айта кетсек, аталған спорт алаңшасы аудандық бюджет есебінен салынды. Жалпы ауданы 0,30 гектарды құрайтын спорт алаңшасында футбол алаңы, автотұрақ, сонымен қатар Workout-пен (жаттығу алаңшасымен) жабдықталған. Мұнда жақын маңда тұратын балалар волейбол, футболдан жарысып, қосымша спорт түрлерімен де айналыса алады.
Мемлекет басшысы Қасым-Жомарт Тоқаев өзінің Президент ретіндегі алғашқы Жолдауында бұқаралық спортты дамыту мәселесіне назар аударған болатын. «Ұлт денсаулығын бекемдеу мәселесі де өте өзекті. Барлық жас санаты арасында бұқаралық спорт түрлерін насихаттай беру керек. Балалар үшін спорттық инфрақұрылымның барынша қолжетімді болуын қамтамасыз ету керек. Бұқаралық спортты дамыту – пирамидаға айналуы қажет. Оның басына чемпиондар шықса, оның негізінде біз сау әрі саналы ұрпақты, мықты ұлтты қалыптастырамыз, – деген Қасым-Жомарт Кемелұлы бұқаралық спортты дамытуға арналған кешенді бағдарлама қабылдау керектігін айтқан болатын. Президенттің осы тапсырмасын орындау мақсатында «Дене шынықтыру мен бұқаралық спортты дамыту жөніндегі 2020-2025 жылдарға арналған кешенді жоспар» әзірленіп, ол Үкіметтің қаулысымен бекітілгені мәлім. Осы тұста ауданда жобалар нәтижелі түрде іске асып келеді.
