Білім басқармасының Әдістемелік орталығы «Менің тілім – менің мақтанышым» фестивальін өткізді. Іс-шараның басты мақсаты мемлекеттік тілді қолдану аясын кеңейту, қазақ тілін білу — татулықтық тірегі екенін балалар бойына сіңіру.
Ұлт ұстазы Ахмет Байтұрсынұлының 150 жылдығы мен тілдері мерекесіне арналған айлық іс-шараның қорытынды кеші өтті. Оған басқарма басшылары, орталық әдіскерлері мен мұғалімдер қатысты. Жиында тіл татулықтық, халықты біріктірудің маңызды факторы екенін өскелең ұрпаққа ұғындыру – бүгінгі лингвист мамандардың негізгі міндеті екенін айтылды. Бір айы бойы қаладағы білім беру ұйымдарында қазақ тілін мәртебесін көтеруге бағытталған түрлі іс-шаралар өткен. Атап айтсақ, әдеби кештер, тәрбие сағаттары мен интеллектуал ойындар ұйымдастырылған. Сала мамандары мемлекеттік тілді білу – ел тыныштығын кепілі екенін айтты.
Фестиваль аясында қала мектептеріндегі «Қағамдық гуманитарлық пәндер» мұғалімдері көрме ұйымдастырған, оқушылар Ахмет Байтұрсынұлына өлең арнаған.
Орталықтың «Қоғамдық-гуманитарлық пәндер» бөлімінің ұйымдастыруымен 7-9 сынып оқушылары мен педагогтері арасында өткен аралас форматтағы фестивальге мекеме басшылары , тіл жанашырлары, орталық әдікерлері мен білім бақармасына қарасты барлық білім беру ұйымдарының мұғалімдері мен оқушылары қатысты. Олардың қатарында, Шымкент қалалық сотының «Ақпараттық қамтамасыз ету» бөлімінің басшысы – Қабыл Дүйсенби, Тілдерді оқыту-әдістемелік орталығының басшысы – Жанысбекова Гүлмира Қалыбайқызы, Әдет-ғұрып және салт-дәстүр орталығының басшысы – Спанов Бахтияр Абилович, Қазақстан өзбектері этномәдени бірлестіктері «Дустлик» қауымдастығы төрағасының орынбасары – Досметова Нуриниса Жамалқызы, «Жастар ресурстық орталығының» басшысының орынбасары – Заманбек Оралбекұлы, -«Qyzmet» газетінің редакторы – Нарымбетова Бейсенкүл Жақсыбекқызы да бар. Фестиваль барысында оқушылар Ахмет Байтұрсынұлының қазақ әліпбиін қоғамға әкелу жайында көрініс көрсетіп, тіл туралы тағылымды ойлары мен еңбектерін тек қазақ тілінде емес әлемнің 4 тілінде оқушылар көрермен назарына ұсынып, жас мамандарының орындауында керемет әуезді әндер шырқалды. Жыл бойына белсенділік танытқан қала мұғалімдері мен оқушылар «Алғыс хатпен» марапатталды.
Мемлекеттік тіл мәртебесін көтеруге арналған шара мерекелік концертпен аяқталды. «Тілім барда мен тірімін, мәңгімін» тақырыбындағы эссе байқауында үздік шыққан ұстаздар мен оқушылар марапатталды. Білім басқармасы мамандары қазақ тіліне деген қызығушылықты артыру жұмысы жыл бойы жалғасатынын айтты.
