Кентау қаласының тұрғындары «Қала күнін» жоғары деңгейде атап өтті. Биыл Кентау қаласына 67 жыл. Ынтымақ алаңында өткен дүбірлі мерекеге жиналған тұрғындардың қарасы қалың. Мерекелік шарада елге еңбегі сіңген бірқатар азаматтар «Кентау қаласының құрметті азаматы» атағы берілді. Қаланың дамуына үлес қосқан азаматтар «Қалаға сіңірген еңбегі үшін» төс белгісі мен қала әкімінің алғыс хаттарымен марапатталды.
Соңғы жылдары Кентау қаласында жол құрылысы қарқын алып көшені 70 пайыз жолы асфальтанған. Қалада 232 көпқабатты тұрғын үй құрылыстан өтіп, он көпқабатты үй тұрғындарға берілген. Ағымдағы жылы қалаға газ қосылып, этап бойынша үйлерге қосу жұмыстары атқарылуда. Қала көшелерін толықтай жарықтандыру жұмыстары атқарылуда.
Қала күнінде жұлдызды әншілердің әні мен мың бұралған бишілердің биін тұрғындар қошеметпен тамашалады. Мерекелік шара соңы қала әкімінің от шашуымен жалғасты.
Айта кетсек, Кентау қаласы 1955 жылы тамыз айында құрылды. Қаланың бұрынғы атауы немесе қала құрылардағы елді мекеннің атауы Мырғалымсай болатын. Мырғалымсай деген кен орны да бар. Кентау қаласын құрудағы мақсат Ащысай полиметалл кенішін байыту жұмыстары болатын. Кентау Шымкент қаласынан 260 шақырым жерде орналасқан. Түркістан қаласымен арадағы қашықтық 30 шақырымды құрайды. Кентау Қаратаудың етегінде орналасқан қала болып саналады. Кентау қаласы “Қаратау» және “Қазақстанның жасыл-желекті қаласы” деген аттарға ие.
Бүгінгі таңда қаланың инфрақұрылымдық жүйелері жаңартылып, абаттандыру, көріктендіру жұмыстары айтарлықтай атқарылуда. 2014 жылдан бері «Моноқалаларды дамыту» бағдарламасы бойынша елеулі істер жасалды. «Кентау қаласындағы «Болашақ», «Батыс» және «Жұлдыз» мөлтекаудандарының инженерлік инфрақұрылым жүйелерінің құрылысы» басталып, осы уақытқа дейін жалғасын табуда.
