Түркістанда медицина қызметкерлері арасында волейболдан ашық біріншілік өтті. Жарыс медицина саласы дамуына еңбек сіңірген дәрігер – Жаримбетова Зираш Қазыбекқызын еске алуға арналған.
Сайыста 12 медицина мекемесі өзара бақ сынады. Айта кетейік, аталған шара медицина қызметкерлерінің спортқа қызығушылығын арттыру мен олардың арасында салауатты өмір салтын ұстануды насихаттау мақсатында ұйымдастырылды. Салауатты өмір салтын ұстанып, спортпен шұғылдану — аурудың алдын алудың бірден бір жолы дейді қызметкерлер. Таңғы сағат 9 дан бастап, сала мамандары өзара мықтыны анықтауға кірісті. Ойын олимпиадалық режимде ұйымдастырылуда. Жеңіске жеткендер диплом сыйлықтармен марапатталады.
Айта кетейік, спартакиаданың мақсаты – жастарды спортқа баулу, салауатты өмір салтын насихаттау, медицина мекемелері мен қызметкерлері арасында достық қарым-қатынасты нығайту.
Ұйымдастырушылардың сөзінше, спорттық сайысқа қызығушылық танытқан ақхалаттылар саны жыл санап артып келеді. Мұндай додаларды жыл сайын өткізіп тұру жоспарланып отыр.
«Спортпен шұғылданып, осы арқылы біздер өзіміді үлгі ретінде көрсетудеміз. Әрбір адам күнделікті дене шынықтыру керек. Осындай спорттық шаралар ұйымдастырып үлесімізді қосудамыз», — дейді сайысқа қатысқан медицина қызметкерлері.
Ендеше, жарыс нәтижесінде командалық есеп бойынша Түркістан облыстық «Жедел жәрдем» қызметі 1 орынға ие болды. Олар тартысты ойын көрсете білді. Осылайша өз командасына ұпай жинап қарсыластарынан оза шапты. Ал Халықаралық Қожа Ахмет Ясауи атындағы Қазақ-Түрік университетінің емханасы жүлделі 2 орыннан көрініп отыр. Төрешілер барлық қатысушылардың додаға барын салғанын айтады. Сайыс қорытындысына сәйкес, жүлделі 3 орынды Түркістан қалалық емханасы иеленді. Жеңімпаздар арнайы марапатқа ие болды.
