Түркістан облысының әкімі Дархан Сатыбалды Түркі мемлекеттер ұйымы Бас хатшысының орынбасары Мирвохид Асимовпен және хатшылықтың жобалық директорларымен кездесті.
Олар Түркістанда өтетін «Табаррук-Зиярат» пилоттық жобасын іске асыру жөніндегі форумға қатысу үшін арнайы келген. Пилоттық жоба – екіжақты ынтымастықты нығайтып, туризм саласын дамытуға, туристер ағынын арттыруға бағыттылған. Форум – жобаны жүзеге асыруда туындайтын мәселелерді талқылау мақсатында мүдделі мемлекеттік органдар мен бизнес қауымдастықтың қатысуымен ұйымдастырылып отыр.
Ал мәртебелі меймандар Түркістан қаласында ұйымдастырылған «Табаррук-Зиярат» пилоттық жобасын іске асыру жөніндегі форум жұмысына қатысу үшін арнайы келген. «Табаррук-Зиярат» пилоттық жобасы екіжақты ынтымастықты нығайтып, туризм саласын дамытуға, туристтер ағынын арттыруға бағыттылған. Өз кезегінде, аталған жоба екі елдің сонымен қатар, шекара маңындағы өңірлердің экономикалық дамуына оң серпін береді.
Айта кетейік, туризмді дамыту мақсатында ағымдағы жылы Әзірбайжанда Түркі мемлекеттері ұйымына мүше елдердің туризм министрлерінің 7-ші отырысы өтті. Оның қорытындысы бойынша Түркі мемлекеттері ұйымы хатшылығының, Қазақстан мен Өзбекстан делегацияларының қатысуымен «Табаррук-Зиярат» пилоттық жобасын әзірлеу бойынша үшжақты кездесу өткізу келісілді. Жобаны іске асыру мәселелерін одан әрі пысықтау үшін ағымдағы жылдың 19 қыркүйегінде Қазақстан мен Өзбекстанның мүдделі мемлекеттік органдары мен ұйымдарының, ТМҰ хатшылығының қатысуымен онлайн кеңес өткізілген. Өз кезегінде, Кеңес қорытындысы бойынша «Табаррук-Зиярат» пилоттық жобасын іске асыру жөніндегі форум» шеңберінде жобаны іске асыру мәселелерін одан әрі талқылау туралы шешім қабылданды. Келісімге сәйкес пилоттық жобаны жүзеге асыру бойынша мәселелерді талқылау мақсатында мүдделі мемлекеттік органдар мен бизнес қауымдастықтың қатысуымен форум ағымдағы жылдың 3-4 қазан аралығында ұйымдастырылып отыр.
Сонымен қатар, іс-шараға Түркі мемлекеттері ұйымының өкілдері, Қазақстан және Өзбекстан Республикасының туризм министрлігі, кеден және шекера, ішкі істер қызметі мен туристік қауымдастық өкілдері қатысты.
